Gjetan Keta zhvillon meçin për titullin botëror në WBU

Boksieri shqiptar, Gjetan Keta, do te ndeshet për titullin e botës në versionin WBU këtë fundjavë, kundër boksierit nga Bosnja e Hercegovina, Sladan Janjanin.

Kjo federatë është ndër më të njohura të boksit botëror, titullin e të cilit dikur e ka mbajtur edhe një emër i madh dhe historik i këtij sporti si George Foreman apo së fundmi Roy Jones.

https://www.instagram.com/p/BnGuX0kAEFv

Të shtunën më 8 shtator, në Dibër të Maqedonisë do të zhvillohet kjo ndeshje e rëndësishme për titullin e kampionit të Botës, transmeton Top Channel.

Boksieri nga Bulqiza, Mike Gjetan Keta ka në karrierën e tij 26 ndeshje, prej të cilave ka arritur të grumbullojë 22 fitore, 18 me nokaut dhe katër humbje. Kundërshtari i tij për ndeshjen e titullit botërorë është boshnjaku Sladan Janjanin, i cili në karrierën e tij ka vetëm dy ndeshje më tepër se Gjetani, 28 të tilla, prej të cilave numëron 25 fitore, 19 me nokaut dhe vetëm tri humbje.

https://www.instagram.com/p/Bm3XrlLH6Cv

Qe disa ditë, boksieri ka vendosur që përgatitjet e fundit përpara ndeshjes së madhe, t’i zhvillojë bashkë me vëllanë e tij, Ismailin, në vendlindje.

https://www.instagram.com/p/BnWCkJigQt0

Mes pyetjeve të Bulqizës, vëllezërit Keta po mbyllin fazën e përgatitjes në vendin e quajtur Guri i Vashës.

Përveç ndeshjes kryesore asaj të Gjetanit, në të njëjtën ditë do të zhvillohen edhe ndeshje tjera me një rëndësi të veçantë siç është përballja e boksierit Ferit Keta kundër turkut Fatih Mehmet Karaku, po ashtu do te ndeshen edhe boksier të tjerë nga trojet Shqiptare,Kosove,Maqedoni me boksier nga Serbia, Bosnja e Hercegovina, Kroacia dhe Gjermania.