Gjatë kontrollit rutinor policia ndaloi tre të rinj, njëri prej tyre ia drejtoi revolen dhe i gjuajti – ata iu kundërpërgjigjën duke e vrarë (Video, +18)

Policia në North Little Rock ka publikuar një video të filmuar nga kamerat e sigurisë, ku shihet se si një 17-vjeçar ia drejton revolen policisë dhe pa u menduar dy herë ia tërheq këmbëzën, por ky veprim i kushtoi me jetë.

Shefi i policisë Mike Davis, ka deklaruar se shpreson që publikimi i videos do t’i spastroj nga “dezinformatat”, që Charles Smith ka qenë i paarmatosur gjatë incidentit, transmeton Telegrafi.

Smith ishte ulur në karriget e pasme të veturës, që ishte ndalur nga policia për shkak të tejkalimit të shpejtësisë dhe kalimit në semafor të kuq. Videoja 5-minutëshe tregon se si polici i thotë shoferit të del nga vetura.

Dhe pas kontrollit të shoferit dhe pasagjerit që ishte ulur në karrigen e përparme, polici po kontrollonte edhe Smithin të cilin e pyet nëse ka ndonjë armë, marihuanë të fshehura në këpucë.

Dhe pasi që e paralajmëroi Smithin dy herë që të mos nxjerr diçka nga xhepi, kurse shokët e tij po qëndronin të ulur në trotuar, ai dëgjohet duke thënë: “Nuk mund të shkoj në burg”, kurse tentimi i policit për ta përdorur revolen elektrike rezultoi i pasuksesshëm.

“Nxirre dorën”, dëgjohet polici duke i thënë siç edhe mund të shihet në video, por ai mbeti i habitur kur i pa revolen me ç’rast edhe bërtiti “ka revole”.

Smith pa u menduar dy herë ia drejtoi revolen polici dhe i tërheq këmbëzën revoles dy herë, si rezultat i këtij veprimi i janë kundërpërgjigjur duke e vrarë në vend Smithin. /Telegrafi/