Gjashtë të vdekur, pasi një veturë godet një grup turistësh në një vendpushim skish në Itali

Gjashtë persona janë vrarë dhe 11 të tjerë kanë pësuar lëndime pasi një shofer i dyshuar si i dehur u përplas me një grup turistësh gjermanë në një vendpushim skish në Itali.

Sipas mediave të huaja, përcjell Telegrafi, përplasja vdekjeprurëse ndodhi në qytetin e vogël të Luttach, i njohur gjithashtu si Lutago, menjëherë pas orës 1 të mëngjesit.

Shërbimi i zjarrfikësve ka thënë në një postim në Facebook se gjashtë prej tyre vdiqën në vendin e ngjarjes, ndërsa të lënduarit u dërguan në disa spitale afër.

A Lutago in Valle Aurina, il gruppo di intervento rapido SEG della #CroceRossa di Bolzano è intervenuto dopo il drammatico incidente in cui hanno perso la vita 6 giovani e più persone sono rimaste ferite. La CRI esprime cordoglio per le vittime e vicinanza alle loro famiglie pic.twitter.com/0sJ8MOf3yB

— Croce Rossa Italiana (@crocerossa) January 5, 2020

Ndërkohë, Kryqi i Kuq Italian, i cili dërgoi një ekip reagimi të shpejtë për të ndihmuar viktimat, postoi fotografi të reagimit të urgjencës në mediat sociale.

Shoferi 27-vjeçar i makinës, i cili dështoi në testin e frymës për alkool, është arrestuar.

https://www.youtube.com/watch?v=O9ujMng0KYo

Arno Kompatscher, presidenti rajonal i Alto Adige, tha në një konferencë për shtyp se viktimat ishin pjesë e një grupi të gjermanëve të rinj me pushime. /Telegrafi/