Gazeta britanike shkruan për festivalin “Sunny Hill” ku ylli kryesor do të jetë Dua Lipa

Babai i Dua Lipës është duke organizuar një festival muzikor dhe e bija e tij, këngëtarja Dua do të shfaqet në këtë ngjarje në kryeqytetin e Kosovës.

Festivali i SunnyHill është vendosur të zhvillohet në muajin gusht në qytetin e lindjes së Duas në Prishtinë dhe këngëtarja natyrisht është thirrur të jetë ylli i festivalit.

Kështu e nis një shkrim gazeta e njohur britanike, Metro duke pohuar se një gjë të tillë e ka bërë edhe vetë bukuroshja jonë.

“Jam krenare për babanë tim Dukagjin Lipa i cili kishte një ide dhe një ëndërr dhe po e bën pikërisht atë që ai tha se e do”, kishte shkruar ndër të tjerash në llogarinë personale Dua.

Lexo po ashtu Dua Lipa flet për herë të parë pas tradhtisë së të dashurit britanik

Dua gjithashtu shtoi se është në një kauzë e mirë pasi që 25 për qind e të ardhurave do të shkojnë në fondacionin “Sunny Hill”, i cili do të ndërtoj një qendër për të rinjtë që dëshirojnë të ndjekin artet krijuese në Kosovë.

Ndryshe, tashmë janë publikuar edhe emrat e artistëve që do të perfomojnë në këtë festival që mëton të jetë më i madhi në rajon. /Telegrafi/

https://www.instagram.com/p/BkGE833FEbF/?hl=en&taken-by=dualipa