Franca mbyll një xhami – imami i quajti heronj xhihadistët

Autoritetet franceze kanë mbyllur një xhami në rajonin francez të Oise për predikime radikale nga imamët gjatë të cilave ai mbrojti xhihadin.

Xhamia në qytetin e Beauvais do të qëndrojë e mbyllur për gjashtë muaj, thanë autoritetet lokale.

Autoritetet në rajonin Oise thonë se imami i quajti xhihadistët heronj në predikimet ndërsa nxiti urrejtje dhe dhunë, raporton france24.

Dy javë më parë, Ministri i Brendshëm francez, Gerald Darmanin tha se procesi i mbylljes së Xhamisë së Madhe në Beauvais, 100 km në veri të Parisit, ishte nisur sepse imami kishte “kritikuar të krishterët, homoseksualët dhe hebrenjtë” në predikimet e tij.

Një avokat i shoqatës që drejton xhaminë tha se fjalët e imamit, i cili sapo ishte konvertuar në Islam, ishin “jashtë kontekstit”. Ai shtoi se imami në fjalë tani është suspenduar nga detyra.

Por ministria e brendshme tha se njeriu, për të cilin xhamia tha se vetëm herë pas here predikonte, “në fakt funksionon si një imam i rregullt” dhe shpesh ka mbrojtur “praktikën rigoroze të Islamit” dhe “epërsinë e tij mbi ligjet e Republikës”. /Telegrafi/