FMN-ja i mbron normat negative

Fondi Monetar Ndërkombëtar (FMN), deklaron se ndërhyrja me norma negative të interesit nga disa banka qendrore, do të ndihmojë nëpërmjet stimujve ekstra dhe lehtësimit të kushteve huadhënës.

Gjashtë banka qendrore kanë paraqitur norma negative të interesit, ku spoti bie mbi Bankën e Japonisë dhe atë qendrore Europiane, dhe rreth ¼-ta e ekonomisë botërore nga prodhimi, ndodhet tashmë në një pozitë ku normat zyrtare janë më pak se zero. Institucionet e kanë arritur këtë duke ulur normën e depozitave në territor negativ, që varion nga minus 5 pikë bazë në Hungari e deri në minus 125 pikë bazë në Suedi, që nënkupton një tarifë mbi depozitat.

“Edhe pse eksperienca me norma nominale negative të interesit është e limituar, ne dalim në përfundim se në përgjithësi, ato ndihmojnë në përcjelljen e stimujve shtesë monetar dhe kushteve më të lehta financiare, që ndihmojnë kërkesën për para dhe stabilitetin e çmimeve,” deklaron Fondi Monetar Ndërkombëtar, njoftojnë mediat ndërkombëtare transmeton Telegrafi.

Normat negative të interesit janë prezantuar fillimisht në Suedi, Danimark dhe Zvicër, në një përpjekje për të ndaluar vlerësimin e valutës kundrejt euros. Tashmë dhe banka e Hungarisë i është bashkuar atyre.

Kritikët argumentojnë se lëvizja në norma negative të interesit, veçanërisht në Japoni ku banka ka dështuar të nxisë rritjen apo inflacionin, është një shenjë dëshpërimi. Kritikët thonë se ajo që duhet është futja e qeverisë nëpërmjet shpenzimeve qeveritare, në vend të lehtësimit të mëtejshëm monetar (Keynes vs Friedman).

Kritikët thonë se lëvizja në norma negative mund të deëmtojë ekonominë duke krijuar flluska në tregjet financiare, dhe duke reduktuar përfitueshmërinë e bankave. Megjithatë, Fondi tregon se deri më tani normat negative të interesit kanë inkurajuar investitorët, duke mos u tërheq nga bonot qeveritare, dhe duke reduktuar kostot për kompanitë.

Me norma më të ulëta të interesit, kompanitë kanë favor të përdorin levën financiare, e të rrisin investimet. Megjithatë, fondi monetar ndërkombëtar paralajmëron se ka limite mbi efektivitetin e normave negative, nëse qëndrojnë negative për shumë kohë, për shkak të rritjes së Cash-it ndërkohë që normat e interesit nuk tërheqin. /Telegrafi/