Favoritët për titull në NBA: Kush mund t’i sfidojë Lakers dhe Nets?

Sezoni i ri i NBA 2021/22 starton më 19 tetor, me një lojë mes kampionen në fuqi Milwaukee Bucks dhe Brooklyn Nets.

Në këtë fushatë, Nets konsiderohen si favoritët për të fituar gjithçka, së bashku me Los Angeles Lakers të LeBron James, të cilët nuk arritën të mbrojnë titullin sezonin e kaluar.

Le t’i hedhim një vështrim nga afër për favoritët dhe të tjerët që duan ta rrëzojnë nga froni Bucks në sezonin 2021/22.

The NBA landmark 75th Anniversary Season tips off Tuesday on TNT! #KiaTipOff21 #NBA75

Check out the opening week National TV schedule ⬇️ pic.twitter.com/smjBSe0IiZ

— NBA (@NBA) October 16, 2021

Niveli i parë i favoritëve: Nets dhe Lakers

Nets shihen si favoritët kryesor për titull këtë sezon, pavarësisht se drejtuesit e NBA, fillimisht kishte ndaluar yllin e tyre Kyrie Irving të merrte pjesë në ndeshje dhe stërvitje për shkak të refuzimit të tij për të marrë vaksinën COVID-19.

Lëndimet e lojtarëve kryesorë i kanë penguar Nets të konkurrojnë për titullin në dy vitet e fundit, por ekipi u forcua këtë verë me kthimin në veprim të LaMarcus Aldridge dhe nënshkrimet e veteranëve si Paul Milsap, Patty Mills dhe James Johnson.

Ndërkohë, Lakers posedojnë padyshim skuadrën më me përvojë në NBA, me yje të tillë si LeBron James, Anthony Davis, Russell Westbrook, Carmelo Anthony, Dwight Howard dhe Rajon Rondo. Trajneri Frank Vogel do t’i kërkohet të menaxhojë egon e yjeve të lartpërmendur, por, nëse ai arrin ta bëjë këtë, Lakers mund të jenë stuhi këtë sezon.

Niveli i dytë i favoritëve: Bucks dhe Suns

Pavarësisht humbjes së PJ Tucker, kampionët në fuqi do të dalin në fushë për të konkurruar për titull, me MVP e finaleve të NBA të vitit të kaluar Giannis Antetokounmpo që drejton ekipin.

Finalistët e sezonit të kaluar Phoenix Suns kanë forcuar ekipin e tyre me ardhjet e Landry Shamet dhe Elfrid Payton, ndërsa krijuesi i yjeve Chris Paul ka qëndruar në përpjekje për të kërkuar një unazë.

Niveli i tretë i favoritëve: Jazz dhe Warriors

Të udhëhequr nga i talentuari Donovan Mitchell, Utah Jazz konsiderohen si një befasitë për titullin pasi kanë fituar shërbimet e lojtarëve me përvojë si Rudy Gay dhe Hassan Whiteside.

Ndërkohë, Klay Thompson është shëruar plotësisht nga dëmtimi i tij afatgjatë dhe ai do të kthehet në aksionet e NBA për të ndihmuar Stephen Curry në përpjekjen e Warriors për t’u rikthyer në play-off pas dy vitesh mungesë.

Niveli i katërt: Clippers, Heat, Nuggets dhe 76ers

Me Kawhi Leonard që i është nënshtruar një operacioni në gju, Paul George, Reggie Jackson, Terrance Mann dhe Eric Bledsoe janë lojtarët që pritet të rriten këtë sezon për Los Angeles Clippers .

Miami Heat, ndërkohë, kanë formuar një skuadër të fortë pas nënshkrimit me Kyle Loëry, PJ Tucker dhe Markieff Morris në verë dhe, me Jimmy Butler dhe Bam Adebayo tashmë në radhët e tyre, ata pritet të jenë konkurrues në Konferencën Lindore.

Të fundit, Denver Nuggets i Nikola Jokiq dhe Sixers i Joel Embiid shihen si ekipe të forta për të konkurruar në play-off. /Telegrafi/