I faturohen mbi 260 mijë euro energji elektrike për një lokal prej 15 metra katrorë – italiani nuk e di se çfarë ka ndodhur

Pronari i një dyqani bizhuterish në sheshin e Shën Markut në Venedik ka marrë një faturë të energjisë elektrike në vlerën e pabesueshme 262348 euro.

Kjo do të thoshte se ambientet 15 metra katrorë “konsumonin” një milion kilovat orë në dy muaj, raporton Corriere del Veneto.

“Ndriçimin e kam të kufizuar dhe nuk përdor mjete speciale. E vetmja gjë që kam është një ngrohës i vogël i ujit”, tha i mahnitur, Giamaria Tjoco.

Bolletta folle in piazza San Marco per un negozio di 15 metri quadri: «Oltre 260 mila euro per la luce» https://t.co/ZKBEWlBIqm

— Corriere della Sera (@Corriere) March 6, 2024

Kur italianët lejuan krijimin e kompanive të tjera të energjisë elektrike gjatë verës së kaluar, pronari i bizhuterive zgjodhi një shpërndarës të ri.

Deri atëherë ai merrte një faturë mesatare prej 350 eurosh, të cilën e paguante çdo dy muaj. Tani situata ka ndryshuar në mënyrë dramatike.

“Faturat filluan të rriten dhe kulmi është shuma për korrik dhe gusht 2023. Shifrën prej 262348 euro duhet ta paguaj deri më 12 mars dhe sigurisht që nuk do ta bëj”, theksoi Tjoco.

Ai shton se kërkesa që i atribuohet “konsumit të madh dhe surreal të energjisë” nuk është e pranueshme dhe se ka kontaktuar kompaninë duke kërkuar që të shqyrtohet rasti dhe të korrigjohet gabimi. /Telegrafi/