Edhe pse e shtyp me veturë dhe e fut nën rrota, 7-vjeçari shpëton – ngritet në këmbë dhe vazhdon lojën (Video, +18)

Një djalosh 7-vjeç i ka shpëtuar vdekjes kur një veturë e goditi dhe e futi në rrota, por që mrekullisht u ngrit në këmbë dhe vazhdoi lojën sikur të mos kishte ndodhur asgjë e keqe.

Vogëlushi po luante me shokë dhe në një moment u gjunjëzua për t’i lidhur këpucët, kurse vetura që ishte pranë filloi të lëviz, dhe duket se shoferja nuk e kishte parë dhe kështu e shtypi, transmeton Telegrafi.

Ngjarja e tmerrshme ka ndodhur në Chembur të Mumbait, Indi, kurse kamerat e sigurisë e kanë filmuar momentin rrëqethës kur një grup fëmijësh po luanin në rrugë.

Dhe në një moment dy femra futen në një veturë të parkuar, ku pranë saj ishte gjunjëzuar vogëlushi i cili nuk ishte në dijeni se vetura po lëviz dhe kështu përfundon nën të.

Pamjet e këtij momenti i ka shpërndarë në internet pronari i kamerave, me të vetmin qëllim – që t’i paralajmërojë prindërit që të jenë me të kujdesshëm dhe assesi të mos i lënë fëmijët pa mbikëqyrje. /Telegrafi/