Edhe në Spanjë, ka filluar të bie numri i të vdekurve dhe të infektuarve të rinj me COVID-19

Në Spanjë sot ka vazhduar të bie numri i të vdekurve dhe infektuarve me COVID-19, edhe pse autoritetet kanë paralajmëruar që këto shifra mund të mos e tregojnë pasqyrën e vërtetë për shkak të mos evidentimit të rasteve gjatë vikendit.

Ministria spanjolle e Shëndetësisë ka njoftuar se janë regjistruar 637 raste të reja në 24 orët e fundit, që i bie të jetë numri më i vogël i viktimave brenda një dite. Ndërkaq kujtojmë se numri i përgjithshëm i viktimave të pandemisë së coronavirusit deri më tani ka shkuar në 13 mijë, transmeton Telegrafi.

Rastet e reja të konfirmuara me COVID-19 janë gjithashtu më të ulëtat në dy javët e fundit – 4.273, derisa numri i përgjithshëm i rasteve të konfirmuara ka shkuar në 135 mijë. Edhe nëpër spitale raportohet se tempoja e pranimit të pacientëve të rinj ka filluar të ngadalësohet, duke u dhënë mundësi stafit mjekësor të kenë nën kontroll gjërat.

Kujtojmë që Spanja është vendi i dytë në Evropë më i prekur nga COVID-19, pas Italisë në veçanti pjesa veriore – Lombardia. /Telegrafi/