Dy mënyra për të vërejtur nëse po përjetoni COVID-19 apo ftohje, sipas ekspertëve

Gjatë kohës më të ftohtë të vitit, kur ftohjet dhe gripi vazhdojnë, ne priremi të shmangim takimin me miq dhe familje.

Për fat të mirë, është e lehtë të thuash nëse ke të bësh vetëm me një ftohje, thotë mjekja e kujdesit parësor Julia Auerbach, drejtoreshë mjekësore e Nuvance Primary Care and Pediatrics of Brookfield, Connecticut, e cila ka trajtuar pacientë me coronavirus.

“Në mënyrë tipike, kur keni ftohje, nuk keni ethe të larta, kolla juaj ka gëlbazë dhe nuk keni probleme me frymëmarrje”, thotë ajo. “Por gripi dhe COVID-19 kanë shumë karakteristika të përbashkëta, si ethe, kollë e thatë, dhimbje, dhimbje fyti dhe lodhje”.

Dhe ndërsa mjekët po mësojnë më shumë rreth COVID-19 çdo ditë, ka disa simptoma kryesore që mund t’ju ndihmojnë juve dhe mjekun tuaj të përcaktoni hapat e ardhshëm që duhet të ndërmerrni.

Lexoni për të dhënat që mund të tregojnë nëse keni grip apo COVID-19 – dhe këshillat e ekspertëve se si të vazhdoni me trajtimin në mënyrë që të ktheheni shpejt!

Ethe?

Koha ndërmjet kur jeni në kontakt me të tjerët dhe kur shfaqen simptomat mund të tregojë gripin ose coronavirusin. “Periudha midis ekspozimit ndaj një virusi dhe simptomave që vijnë nga gripi është një deri në katër ditë”, thotë Dr. Auerbach. “Për COVID-19, janë dy deri në 14 ditë”. Pra, nëse keni ethe në ditën tre ose më tej pasi të jeni ekspozuar, Dr. Auerbach sugjeron të kontaktoni me mjekun tuaj.

Nuk mund të nuhasësh?

“Humbja e nuhatjes mund të jetë një nga simptomat më parashikuese të COVID-19”, thotë specialisti i veshit, hundës dhe fytit Nicholas Rowan, asistent profesor në Shkollën e Mjekësisë të Universitetit Johns Hopkins. Në të vërtetë, 98 për qind e pacientëve me coronavirus përjetojnë humbje të nuhatjes, shpesh si një nga simptomat e tyre të para. Dr. Rowan shpjegon se kur humbni nuhatjen tuaj me një grip, kjo është për shkak të bllokimit të hundës. /Telegrafi/