Duhet të mbetemi të bashkuar për Ukrainën, pajtohen udhëheqësit kryesorë perëndimorë

Udhëheqësit e Shteteve të Bashkuara, Gjermanisë, Francës, Britanisë dhe Italisë folën me njëri-tjetrin me telefon të hënën dhe ranë dakord për rëndësinë e të qëndruarit të bashkuar rreth situatës në Ukrainë në mes të agresionit të vendit nga Rusia, tha zyra e kryeministrit italian Mario Draghi.

“Udhëheqësit riafirmuan rëndësinë e unitetit të qëllimit dhe veprimit të treguar përballë luftës në Ukrainë dhe pasojave të saj”, thuhet në deklaratë, përcjell Telegrafi.

Lexo po ashtu Pamje të tjera që tregojnë se rrugët e Kherson ngjanin me një 'fushëbetejë' kur trupat ruse hapën zjarr ndaj protestuesve ukrainas – ku mbetën disa të plagosur

“Përballë emergjencës së rëndë humanitare, liderët u zotuan të koordinojnë përpjekjet për të ndihmuar popullsinë ukrainase që po ikin nga konflikti ose ata të bllokuar në shtëpitë e tyre”, shtoi ai.

Italia tha më herët të hënën se telefonatat kishin për qëllim përgatitjen për takimet e NATO-s, G7 dhe Këshillit Evropian të planifikuar për më vonë këtë javë.

Tri javë pas fillimit të agresionit, të dy palët tani duket se po përpiqen “të rraskapitin tjetrin”, thonë ekspertët, me forcat ruse të bllokuara që lëshojnë raketa me rreze të gjatë veprimi në qytete dhe baza ushtarake ndërsa forcat ukrainase që kryejnë sulme goditëse dhe që kërkojnë të ndërpresin linjat ruse të furnizimit.

Lexo po ashtu Pse Mariupol është një objektiv kyç dhe çfarë do të ndodhte nëse ai bie në duart e Rusisë?

“Luftimi në Mariupol në vetvete po i kushton ushtrisë ruse kohë, iniciativë dhe fuqi luftarake”, tha Instituti për Studimin e Luftës me qendër në Uashington në një konferencë.

E Sekretari i Mbrojtjes i SHBA, Lloyd Austin tha se rezistenca ukrainase do të thotë se “forcat në terren të presidentit rus Vladimir Putin janë në thelb të bllokuara”. /Telegrafi/