Dua Lipa do të këndojë kolonën zanore të filmit të ri të James Bond

Dua Lipa thuhet se është në rend të parë për të regjistruar kolonën zanore të filmit të James Bond.

Ylli i Pop muzikës ka pasur ngritje në karrierë pas suksesit me këngën “New Rules”, i cili ka arritur mbi një miliard shikime në YouTube.

Sipas Capital FM, Dua është duke kryesuar garën me Ed Sheeran dhe Jessie J. në listën e emrave të mundshëm për të regjistruar temën për filmin e 25-të të agjentit Bond, i cili është planifikuar të shfaqet në kinematë gjatë muajit nëntor të këtij viti.

Sam Smith ishte personi i fundit që ka regjistruar këngën dhe fitoi çmime në Oscar dhe Golden Globe.

Nëse këto thashetheme janë të vërteta atëherë Dua do të bashkohet me Madonnën, Adelen, Tina Turnerin dhe Shirley Basseyn dhe shumë të tjerë.

Ndërkohë, ajo aktualisht është duke kryesuar për të katër javë rresht top-listat e Britanisë së Madhe me këngën “One Kiss”, të cilën e solli në bashkëpunimin me Calvin Harris.

Ndryshe, Dua gjatë verës do të performojë para publikut shqiptar në Prishtinë, në kuadër të festivalit “Sunny Hill Foundation”. /Telegrafi/

https://www.instagram.com/p/BixOiJsFPEk/?hl=en&taken-by=dualipa