Dua Lipa merr vëmendje me triko shumëngjyrëshe gjatë shëtitjes në New York

Ajo asnjëherë nuk dështon në rrëmbimin e vëmendjes sa herë që fotografohet jashtë.

Dhe Dua Lipa shfaqi sërish sensin e saj të guximshëm të stilit, teksa u pa e veshur me një triko shumëngjyrëshe në një shëtitje në New York të shtunën.

Këngëtarja, 25 vjeçare, dukej se ishte në humor të mirë derisa dukjen e kompletoi me një palë xhinse blu.

Ansamblin e rehatshëm e shoqëroi me një çantë të vogël të zezë dhe me çizme ngjyrë kafe.

Ajo vuri më në pah flokët e errëta, në njërën anë pas veshit dhe në anën tjetër që e mbështolli nën shall shumëngjyrësh.

Lexo po ashtu Dua Lipa: Këngën time të parë si fëmijë e shkrova për nënën kur isha katër vjeçe dhe ishte në shqip

Duke mos harruar grimin, ylli nga Kosova kishte vënë një hije shkëlqyese në sy dhe pjesën tjetër të fytyrës e mbuloi me maskë të zezë.

Bukuroshja ka qenë duke kaluar kohën më të mirë në New York dhe është parë në disa shëtitje, si dhe duke pozuar para Pemës së Krishtëlindjes ‘Rockefeller’.

Dhjetori ka qenë një muaj mjaft i zënë për yllin, me performancën e saj në një depo në Mbretërinë e Bashkuar për koncertin e saj virtual 2054.

Ajo u bashkua me një numër interpretuesish të ftuar duke përfshirë Kylie Minogue, Elton John, Bad Bunny dhe Miley Cyrus. Shfaqja theu rekorde në internet, me pesë milionë shikime.

Dua gjithashtu dha një performancë tjetër të “Boys Will Be Boys”, në ngjarjen virtuale Billboard Women in Music javën e kaluar. /Telegrafi/