Drejtori i ndërmarrjes publike në Prilep mori pushim për të punuar si kamerier në Kroaci, të punësuarit mbeten pa paga

Drejtori i “Terminal-Komunalec”, Martin Açkoski, ka shkuar në Kroaci për të punuar si kamerier, ndërsa punëtorët e kompanisë kanë mbetur pa pagesë për tre muaj. Kështu thonë nga LSDM, prej ku theksojnë se llogaria e kompanisë ka mbetur e bllokuar për shkak të mos pagesës së TVSH-së.

“Stafi i Borçe Jovçeskit dhe Abrashoskit, drejtor i “Terminal – Komunalec” SHPK Prilep, Martin Açkoski, më 28 qershor autorizoi dy persona nga kompania – kontabilistin dhe blerësin në dhomën e ngrënies, në mungesë të tij të përdorin faksimilin, gjegjësisht nënshkrimin e tij për paga, fletëpagesat, lidhjen dhe prishjen e marrëveshjeve për garazhin e parkimit dhe shërbimin e kateringut.

Në të njëjtën kohë, në dokumentin e shkruar që në mënyrë anonime i është dorëzuar LSDM-së, Açkoski ka theksuar se faksimili mund të përdoret vetëm me pëlqimin paraprak të tij të dhënë përmes rrjeteve sociale, SMS, Viber, WhatsApp, messenger ose email. Duke shtuar se vlefshmëria fillon nga dita e lëshimit dhe i referohet periudhës së përgjithshme të mungesës së tij nga puna.

Nga LSDM thonë se menaxheri Martin Açkoski ka marrë pushim pa pagesë dhe ka shkuar për të punuar si kamarier në një nga vendet turistike në Kroaci me miratimin e drejtorit të “Terminal-Komunalec” Rubin Abrashoski.

“Po e përsërisim edhe një herë: Martin Açkoski, menaxher i “Terminal – Komunalec” SHPK Prilep, mori pushim pa pagesë dhe shkoi të punojë si kamerier në Kroaci! Po të mos ishte e trishtueshme, do të ishte qesharake! Vështirë është të llogaritet se sa herë menaxheri i “Terminal-Komunalec” e ka shkelur ligjin, është edhe më e vështirë të thuhet se cila është marrëzia më e madhe që kanë bërë bashkë me drejtorin Rubin Abrashoski”, thanë nga LSDM.

Ata e ftuan kryetarin e komunës Joçvecski, që menjëherë ta shkarkojë drejtorin e “Komunalecit” Rubin Abrashoski./Telegrafi/