“Don’t Start Now” e Dua Lipës arrin 100 milionë klikime në YouTube

Më 1 nëntor të vitit 2019, këngëtarja shqiptare me famë ndërkombëtare, Dua Lipa, ka publikuar këngën e re “Don’t Start Now”.

Kjo këngë super ritmike e artistes shqiptaro – angleze u prit mjaft mirë nga fansat, duke shënuar një tjetër sukses të sajin në karrierë.

Siç ka bërë të ditur 24-vjeçarja, projekti deri më tani ka grumbulluar 100 milionë klikime në platformën digjitale, YouTube.

https://www.instagram.com/p/B7VJ6NnhMwJ/

“Kënga “Don’t Start Now” ka mbledhur 100 milionë shikime. Faleminderit shumë për dashurinë dhe mbështetjen. Duke dërguar dashuri gjithandej prej meje dhe Nabildo”, ka shkruar në postimin e saj Lipa.

Ndërkohë, kënga është pjesë e albumit të saj të dytë, që do të publikohet i plotë së shpejti.

Lexo po ashtu Edhe Dua Lipa në "Sanremo 2020"

Në kuadër të kësaj, ylli shqiptar së shpejti do nisë turneun e koncerteve në mbarë botën, në plot 24 vende të ndryshme.

Ndër tjerash, dje u bë e ditur se Dua Lipa do të jetë e ftuar speciale në “Sanremo 2020” – festivalin më të vjetër në Evropë, gjersa Alketa Vejsiu është përzgjedhur në mesin e emrave prezantues të edicionit të sivjetmë të festivalit italian. /Telegrafi/