Dimitrov: Kolegët tanë i nënshtrohen marrëdhënieve komplekse mes historisë dhe politikës në Republikën e Maqedonisë së Veriut

Komisioni historik nuk e ndjek orarin e jetës aktuale politike, ka orarin e saj dhe ai është rishikimi i teksteve. Këtë për “BTA” e komenton Angel Dimitrov, bashkëkryetar bullgar i Komisionit të Përbashkët Multidisiplinar të Ekspertëve me Republikën e Maqedonisë së Veriut për çështje historike dhe arsimore, lidhur me detyrat imediate të historianëve pas mbledhjes së Këshillit Këshillëdhënës për Sigurinë Kombëtare.

Ai theksoi se detyra e komisionit është të analizojë nëse interpretimi i së kaluarës në tekstet shkollore është i saktë dhe të gjejë një mënyrë për t’i korrigjuar këto mospërputhje me analizat shkencore dhe prezantimin shkencor të materialit historik në një tekst shkollor. Dhe një tjetër detyrë kryesore – komisioni i përbashkët t’u propozojë dy qeverive personalitete dhe ngjarje për një festë të përbashkët”, shtoi Dimitrov.

“Këtë kemi bërë që nga fillimi dhe, për fat të keq, jemi ngecur diku në shekullin X-XI, sepse kolegët tanë janë treguar se i nënshtrohen marrëdhënieve komplekse mes historisë dhe politikës në Republikën e Maqedonisë së Veriut, kështu që atje nuk ka përparim”, tha ai.

I pyetur nëse është optimist për intensifikimin e dialogut dhe zhvillimin e marrëdhënieve bilaterale me vendin, Dimitrov ka komentuar se në këtë temë nuk duhet të jemi optimist apo pesimist, por mbi të gjitha të jemi realist./Telegrafi/