LAJMI I FUNDIT:

Detaje dhe pamje të tjera të sulmit nga mbështetësit e ish-presidentit Bolsonaro në tri ndërtesat shtetërore të Brazilit

Detaje dhe pamje të tjera të sulmit nga mbështetësit e ish-presidentit Bolsonaro në tri ndërtesat shtetërore të Brazilit

Autoritetet braziliane kanë filluar të hetojnë rreth sulmit nga rebelët pro Jair Bolsonaros që sulmuan ndërtesat shtetërore të dielën, me presidentin e sapozgjedhur Luiz Inácio Lula da Silva që u zotua të nxjerrë përgjegjësit para drejtësisë.

Sipas medieve të huaja, përcjell Telegrafi, Gjykata e Lartë e vendit të dielën vonë të dielën shkarkoi guvernatorin e Brasilias, Ibaneis Rocha, nga detyra për 90 ditë për shkak të defekteve në sigurinë në kryeqytet, ndërsa gjyqtari i Gjykatës së Lartë Alexandre de Moraes urdhëroi gjithashtu platformat e mediave sociale Facebook, Twitter dhe TikTok të bllokojnë propagandën pro-grusht shteti.


Kjo vjen pasi mbështetësit e ish-presidentit brazilian Jair Bolsonaro, të cilët refuzojnë të pranojnë humbjen e tij zgjedhore, sulmuan Kongresin, Gjykatën e Lartë dhe pallatin presidencial në Brasilia, vetëm një javë pas inaugurimit të Silvas, rivalit të tij të majtë.

Një sulm i tillë përfaqëson sulmin më të keq ndaj institucioneve të vendit që nga rivendosja e demokracisë katër dekada më parë.

Ndryshe, mijëra demonstrues anashkaluan barrikadat e sigurisë, u ngjitën në çati, thyen xhamat dhe pushtuan të tre ndërtesat, të cilat lidhen përmes sheshit të gjerë në kryeqytetin e vendit.

Madje disa kanë bërë thirrje për një ndërhyrje ushtarake për të rikthyer në pushtet Bolsonaro-n e ekstremit të djathtë.

Ndërkohë policia, e cila dukej krejtësisht e dërrmuar, u përpoq më kot t’i shtynte me gaz lotsjellës.

Incidentet u dënuan shpejt nga liderët botërorë, nga presidenti amerikan Joe Biden dhe francezi Emmanuel Macron e deri te krerët e shteteve të Amerikës Latine. /Telegrafi/

Në trend Botë

Më shumë
Vuçiq teksa thotë se mund të bie nga pushteti, përmend edhe Kosovën

Vuçiq teksa thotë se mund të bie nga pushteti, përmend edhe Kosovën

Serbia
Mijëra njerëz tashmë janë në rrugët e Beogradit - Vuçiqin e presin protestat masive

Mijëra njerëz tashmë janë në rrugët e Beogradit - Vuçiqin e presin protestat masive

Serbia
Macron, Putinit: Duhet t’i japësh fund taktikave të vonesës për armëpushim

Macron, Putinit: Duhet t’i japësh fund taktikave të vonesës për armëpushim

Evropa
Avokati serb, Preleviq: Vuçiq mori komandën e policisë para protestave masive kundër tij

Avokati serb, Preleviq: Vuçiq mori komandën e policisë para protestave masive kundër tij

Serbia
Gjykata e Bosnjës urdhëron një muaj paraburgim për Dodikun

Gjykata e Bosnjës urdhëron një muaj paraburgim për Dodikun

Bosnja
Ukrainasit sulmojnë me dron rafinerinë e naftës në Rusi

Ukrainasit sulmojnë me dron rafinerinë e naftës në Rusi

Evropa
Kalo në kategori