Mbi 300 mijë euro është vlera e pagave të dhjetë deputetëve serbë nga dhjetori i vitit 2022 deri më 30 prill të këtij viti. Ata paraqiten në seancë një herë në gjashtë muaj, megjithatë paguhen për punën që nuk e bëjnë. Pas nënshkrimit nuk qëndrojnë në sallën plenare, por në këtë formë ruajnë mandatin e deputetit.
KosovaPress ka siguruar të dhënat e pagesave për nëntë deputetët e Listës Serbe dhe të një deputeti të pavarur, të cilët po vazhdojnë të paguhen ani pse të njëjtit po bojkotojnë organin më të lartë legjislativ.
Partitë opozitare konsiderojnë se kjo është e papranueshme dhe në dëm të buxhetit të Kosovës. Edhe organizatat joqeveritare të cilat monitorojnë punën e Kuvendit të Kosovës, thonë se po cenohen interesat e qytetarëve.
Deputeti i Aleancës për Ardhmërinë e Kosovës, Pal Lekaj konsideron se qeveria do të ishte dashur të diskutojë me deputetët e Listës Serbe.
“Normalisht që është në dëm të buxhetit të Kosovës, sepse ata nuk po participojnë në Kuvend dhe nuk po japin atë që duhet dhënë për qytetarët e Kosovës dhe po paguhen pa ardhur fare por vijnë një herë në gjashtë muaj sa për të mos humbur mandatin…Është e padrejtë për ata deputetë që vijnë vazhdimisht në seanca dhe komisione dhe ata nuk po marrin pjesë as në komisione e as në seanca parlamentare”, deklaron ai.
Edhe deputetja e Lidhjes Demokratike të Kosovës, Valentina Bunjaku thotë se bojkoti i deputetëve serbë është i papranueshëm.
“Është e papranueshme, normalisht që është e papranueshme. Sepse ata vijnë pak para se të bëjnë gjashtë muaj, vetëm nënshkruhen për të ju vazhduar mandati. Dhe kjo është e rregulluar, mirëpo është e papranueshme dhe është dashur të koordinohet me aleatët tanë dhe Listën Serbe mos me leju që të paguhet me taksat e qytetarëve tanë”, shprehet ajo.
Ligji për Festat Zyrtare, Ligji për Liritë Fetare e Ligji për Arsimin e Lartë nuk po arrijnë të kalojnë procedurat në Kuvendin e Kosovës për shkak të mungesës së deputetëve të Listës Serbe.
Naim Jakaj nga Instituti i Kosovës për Drejtësi (IKD) pohon se po cenohen interesat e qytetarëve të komunitetit serb.
“Sipas kushtetutës dhe Ligjit për të Drejtat dhe Përgjegjësitë e deputetit, deputetët kanë për obligim që të marrin pjesë në seanca dhe në punimet e komisioneve parlamentare. Pra, është obligim kushtetues për të cilët ata duhet të kryejnë rolin përfaqësues për të cilin kanë marrë votën e qytetarëve, respektivisht të komunitetit prej nga ata vijnë.
Në këtë drejtim, si IKD konsiderojmë që ata janë duke e cenuar dhe duke mos i përfaqësuar interesat e qytetarëve të komunitetit prej nga vijnë. Kemi disa prej projektligjeve me interes vital për të cilat Kushtetuta e Kosovës ju ka garantuar atyre pjesëmarrjen më speciale në procesin e votimit, në anën tjetër këto të drejta nuk i shfrytëzojnë. Ligji për Liritë Fetare, Ligji për Arsimin e Lartë, Ligji për Festat Zyrtare janë tri ligje të cilat nuk po arrijnë të kalojnë për shkak të mungesës së tyre në procesin e vendimmarrjes”, deklaron Jakaj.
Përveç në seanca plenare, Jakaj shton se deputetët serbë po bojkotojnë komisionet dhe kryesinë e Kuvendit.
“Në Kuvend të Kosovës, kryesia është në mungesë të një nënkryetari nga radhët e komunitetit serb, është në mungesë të kryetarit të Komisionit për të Drejtat e Komuniteteve dhe për Kthim, si njëri ndër komisionet kushtetues që mbron të drejtat e të gjitha komuniteteve. Nuk kanë përfaqësim në asnjërin prej komisioneve, nuk është i konfirmuar si grup parlamentar, nuk ka kryetar të Grupit Parlamentar, nuk ka staf të Grupit Parlamentar, nuk kanë zyre.
Rrjedhimisht ata këtë kanë zgjedhur të bëjnë vet me iniciativën e vet, duke dëmtuar interesat e secilit qytetar prej nga vijnë. Asnjëri nga deputetët që vijnë nga Lista Serbe nuk kanë pasur asnjë deklaratë në deklarimet jashtë rendit të ditës, pyetjet parlamentare, tek çështjet që ndërlidhen me interesin për banorët”, shton ai.
Sipas tij, institucionet nuk kanë kompetencë që të përcaktojnë masa shtesë për këta deputetë. Por, thekson se Kushtetuta e Kosovës ka lënë të kuptohet që deputeti të punojë me integritet, dinjitet dhe ndershmëri.
Edhe Viona Bunjaku nga “Lëvizja Fol”, thotë se është shqetësuese mungesa e deputetëve të Listës Serbe në seancat plenare.
“Deputetët e Listës Serbe që shumë kohë janë duke pasur mungesën e tyre brenda kuvendit dhe normalisht që kjo gjë është shumë shqetësuese për shkak se buxhetit të shtetit i kushton me mijëra euro për t’i paguar këta deputetë të cilët nuk po arrijnë të kryejnë funksionet e tyre të cilat ata janë të thirrur edhe në bazë të kushtetutës.
Për këtë gjë, zgjidhja e vetme është Kodi i Etikës për deputetët, i cili tashmë ka filluar procedurat brenda kuvendit për hartimin për Kodin e Etikës për deputetët. Dhe vetëm kjo është një rrugë zgjidhje dhe rrugëdalje nga kjo situatë, për shkak se me këtë Kod të Etikës duhet të parashihen të gjitha sanksionet dhe masat tjera disiplinore të cilat duhet të ju takojnë”, deklaron Bunjaku për KosovaPress.
Më tej, Bunjaku thekson se shumë procese po bllokohen për shkak të bojkotit të tyre.
“Me mungesën e Listës Serbe ne siç e dimë i mungon një legjitimacioni vet kuvendit, për shkak se legjislacionet vitale nuk mund të kalojnë procedurat në kuvend pa prezencën e tyre. Dhe normalisht që kjo shkakton një mos punë dhe mos llogaridhënie dhe transparencë të kuvendit ndaj vet publikut. Normalisht që shumë procese mund të bllokohen me mungesën e tyre dhe tashmë e kemi parë që sa kohë që ata paraqiten vetëm një herë në gjashtë muaj vetëm sa për tu paguar”, thekson ajo.
Nëntë deputetët nga radhët e Listës Serbe janë: Millan Joksimoviq, Nenad Radenkoviq, Olivera Zdravkoviq, Millan Kostiq, Zoran Maksimoviq, Svetisllav Gjokiq, Ksenija Bozhoviq, Radosh Mihajlloviq dhe Biljana Makshiq. Ndërkaq, Cvetko Velkoviq është deputet i pavarur.
Hera e fundit që deputetët serbë u paraqiten në sallë plenare ishte më 8 shkurt. Këta i morën mandatet e tyre në nëntor të vitit 2022, kur paraardhësit e tyre dhanë dorëheqje.
Komuniteti serb i ka të garantuara me Kushtetutë dhjetë vende në Kuvendin me 120 anëtarë./kp/
Promo
Reklamo këtuLufta Prigozhin - Putin
Më shumë![Vdekja e katër burrave në lokacione të ndryshme në Prishtinë, Prokuroria: Në koordinim me Policinë po ndërmarrim veprime për ndriçimin e rrethanave](https://telegrafi.com/wp-content/uploads/2023/11/Policia-e-Kosoves-i-ekspozon-me-rastin-e-24-vjetorit-te-themelimit-Forenzika-foto-Ridvan-Slivova-89-1-380x233.jpg)
Vdekja e katër burrave në lokacione të ndryshme në Prishtinë, Prokuroria: Në koordinim me Policinë po ndërmarrim veprime për ndriçimin e rrethanave
![Nikçi për operacionin kundër fajdexhinjve: Viktima e paraqiti vet rastin](https://telegrafi.com/wp-content/uploads/2024/06/Shkodran-Nikqi-1-380x233.jpg)
Nikçi për operacionin kundër fajdexhinjve: Viktima e paraqiti vet rastin
![Mospranimi i fajësisë nga i akuzuari për krime lufte në Prizren sjell tensione në sallën e gjykimit](https://telegrafi.com/wp-content/uploads/2024/06/unnamed-16-380x233.jpg)
Mospranimi i fajësisë nga i akuzuari për krime lufte në Prizren sjell tensione në sallën e gjykimit
![Fajon: Tani ose kurrë, anëtarësimi i shteteve të Ballkanit në BE](https://telegrafi.com/wp-content/uploads/2024/06/fajon_bobo_20.03.15-380x233.jpg)
Fajon: Tani ose kurrë, anëtarësimi i shteteve të Ballkanit në BE
![Krimet e luftës, rrëfehet nëna e djemve të vrarë: Shkuan në mal dhe Milosh Pleskoviq i mbyti](https://telegrafi.com/wp-content/uploads/2024/06/96121718984934-380x233.jpg)
Krimet e luftës, rrëfehet nëna e djemve të vrarë: Shkuan në mal dhe Milosh Pleskoviq i mbyti
![Shkon në shtatë numri i fajdexhinjve të arrestuar, reagon Sveçla: Toleranca ndaj fajdes dhe haraçit ka përfunduar](https://telegrafi.com/wp-content/uploads/2024/06/fajdet-380x233.jpg)
Shkon në shtatë numri i fajdexhinjve të arrestuar, reagon Sveçla: Toleranca ndaj fajdes dhe haraçit ka përfunduar
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
![Ofertë e veçantë – vila në Brezovicë ofrohet me zbritje ID-246](https://telegrafi.com/wp-content/uploads/2023/11/Foto-Kryesore-4-380x233.jpg)
Ofertë e veçantë – vila në Brezovicë ofrohet me zbritje ID-246
![Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251](https://telegrafi.com/wp-content/uploads/2024/02/Foto-Kryesore-380x233.jpg)
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
![Pse fitorja e Spanjës i vjen përshtati Shqipërisë, para ndeshjeve të fundit në fazën e grupeve?](https://telegrafi.com/wp-content/uploads/2024/06/shqiperi-kresore--380x233.jpg)
Pse fitorja e Spanjës i vjen përshtati Shqipërisë, para ndeshjeve të fundit në fazën e grupeve?
![Rodri mungon ndaj Shqipërisë, bëhet lojtari i parë që thyen rregullin e ri në Euro 2024](https://telegrafi.com/wp-content/uploads/2024/06/rodri-380x233.png)
Rodri mungon ndaj Shqipërisë, bëhet lojtari i parë që thyen rregullin e ri në Euro 2024
![Operacioni kundër fajdeve, Policia e Kosovës publikon pamjet](https://telegrafi.com/wp-content/uploads/2024/06/arrestimi-fajde-380x233.jpg)
Operacioni kundër fajdeve, Policia e Kosovës publikon pamjet
![Publikohet](https://telegrafi.com/wp-content/uploads/2024/06/endrick-1-380x233.jpg)
Publikohet "njoftimi që do ta trondit botën e sportit" nga Endrick dhe fansat janë shumë të zhgënjyer
![Pse Kylian Mbappe nuk do të lejohet të mbajë maskën e tij për Francën në Euro 2024](https://telegrafi.com/wp-content/uploads/2024/06/mbappe-6-380x233.png)
Pse Kylian Mbappe nuk do të lejohet të mbajë maskën e tij për Francën në Euro 2024
![Çfarë ndodhi mes Cole Palmer dhe Gareth Southgate pas ndeshjes Angli- Danimarkë](https://telegrafi.com/wp-content/uploads/2024/06/palmer-1-380x233.png)
Çfarë ndodhi mes Cole Palmer dhe Gareth Southgate pas ndeshjes Angli- Danimarkë