Deputetët duhet të dorëzojnë lista anketuese në Antikorrupsion

Mandati i deputetit me vete mbart të drejta dhe obligime. Një nga obligimet e 120 deputetëve të rinj, por edhe deputetëve të cilëve u përfundoi mandati deri më 30 janar, është të parashtrojnë listë anketuese dhe deklaratë për gjendjen pronësore deri te Komisioni Shtetëror për Parandalimin e Korrupsionit, përcjell Telegrafi Maqedoni nga AIM.

Deputeti detyrohet brenda 30 ditëve nga verifikimi i mandatit të plotësojë listë anketuese me regjistrim të hollësishëm të pronës së patundshme, sendeve të lëvizshme me vlerë më të madhe, letra me vlerë dhe kërkesa edhe borxhe, si dhe pronë tjetër që është në pronën e tij, ose pronë të anëtarëve të familjes së tij, me theksimin e bazës së fitimit të pronës së paraqitur dhe deponon deklaratë të notifikuar nga noteri për heqje dorë nga mbrojtja e sekretit bankar lidhur me të gjitha llogaritë në bankat vendore dhe të huaja, kjo sipas Ligjit për Kuvendin.

Gjithashtu deputeti, obligohet të plotësojë listë anketuese në afat 30 ditësh pas ndërprerjes së mandatit.

Të dhënat nga lista anketuese, sipas Ligjit, paraqesin informacione nga karakteri publik përveç të dhënave të mbrojtura me ligj dhe publikohen në pajtim me ligjin. /Telegrafi/