Dënohet me 150 euro ferizajasi që bëri tejkalim në vijë të plotë

Policia e Kosovës ka dënuar me 150 euro një shofer në Ferizaj, i cili kishte bërë tejkalim në vijë të plotë.

Rasti ka ndodhur në rrugën “Enver Topalli”, transmeton Telegrafi.

“Drejtoria Rajonale e Policisë në Ferizaj, ka marr veprimet e duhura policore dhe ka arritur të identifikojë personin, i cili me automjetin e udhëtarëve, shkaktoi kundërvajtje në komunikacion, tejkalim në vijë të plotë në rrugën ‘Enver Topalli’ në Ferizaj. Kjo informatë, me foto ( sekuencë) është dërguar nga një qytetarë përmes aplikacionit digjital Lajmëro Policinë”, thuhet në njoftimin e bërë nga Policia.

Tutje, në njoftim thuhet se, policia, e ftoi qytetarin B.L (M/K) 46 vjeçar, në stacionin policor në Ferizaj dhe ai në tërësi e pranoi kundërvatjen e shkaktuar dhe për këtë mori gjobë, sipas ligjit të komunikacionit rrugor.

Me këtë rast, Drejtoria Rajonale e Policisë në Ferizaj, inkurajon qytetarët, si në këtë rast dhe fton qytetarët që për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘Lajmëro Policinë’ dhe në numrat kujdestarë : 192 ,0290/326-250 & 0290/322-406.

Policia thekson tutje se “të dhënat e juaja do të ruhen në konfidencialitet të plotë”. /Telegrafi/