Dënohen me nga 300 euro dhe u merret patentë shoferi dy vozitësve në Gjilan

Dy shoferë janë dënuar me nga 300 euro, si dhe u është marrë patentë shoferi pasi kanë bërë tejkalim në vijë të plotë.

Policia në Gjilan njofton se njëri shofer ka tejkaluar shpejtësinë në zonën e limituar, ndërsa njëri ka bërë tejkalim në vijë të plotë, transmeton Telegrafi.

“Drejtoria rajonale e Policisë Gjilan, Policia e Kosovës, njësiti i Komunikacionit rrugor gjatë matjes me radar laserik në dy lokacione të ndryshme, kanë identifiku dy vozitës duke drejtuar automjetet e tyre, ku kanë tejkaluar shpejtësinë në zonën e limituar (vendbanim) sipas shenjës së trafiku shpejtësia ishte e lejuar 50 Km/h gjersa ka tejkaluar në 108 km/h, gjersa tjetri po në zonën 50 km/h tejkalon shpejtësinë në 90 km/h”, njofton Policia.

Tutje, në komunikatë thuhet se me këto veprim ata kanë rrezikuar pjesëmarrësit e tjerë në komunikacion dhe kanë rënë ndeshë me rregullat e komunikacionit rrugor.

Njësiti rajonal i komunikacionit rrugor Gjilan ndaj dy kundërvajtësve ka shqiptuar gjoba për secilin veç e veç, njërit në vlerë prej treqind euro (300) euro, tri (3) pikë negative dhe masën mbrojtëse në afat prej gjashtë (6) muaj, gjersa ndaj kundërvajtësit tjetër është shqiptuar gjoba në vlerë prej treqind euro (300) euro, tri (3) pikë negative dhe masën mbrojtëse për tre (3) muaj .

Drejtoria Rajonale e Policisë në Gjilan, inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 03850807001. /Telegrafi/