Darwin Nunez largohet në janar nga Liverpooli, uruguaiani ka tre opsione për ta vazhduar karrierën

Darwin Nunez do të largohet nga Liverpooli, por vazhdon të jetë në pikëpyetje emri i skaudrës së tij të re.

Sulmuesi uruguaian është bashkuar me The Reds në verën e vitit 2022, por pa arritur të lë gjurmë në Anfield.

Liverpooli është lodhur duke pritur shpërthimin e tij dhe ka vendosur që t’i dëgjojë ofertat për Nunez pasi janë të gatshëm për ta shitur atë qysh në janar.

Lexo po ashtu Al Hilal synon transferimin e yllit të Liverpoolit, The Reds kërkojnë 100 milionë euro

Daily Mirror ka raportuar se janë tre skuadra që po kërkojnë shërbimet e Nunez në afatin kalimtar të janarit.

Milani ka shprehur interesim, por Rossonerët duan huazimin e tij me të drejtë blerje dhe nuk janë të gatshëm të paguajnë shumë.

Në garë është edhe Atletico Madrid, megjithatë as klubi spanjoll nuk është e gatshme ta blejë menjëherë në janar atë.

Lexo po ashtu Liverpooli nis bisedimet me sulmuesin i cili pritet ta zëvendësojë Nunez pas largimit

Skuadra favorite për t’i siguruar shërbimet e Nunez është klubi arab Al-Hilal që janë gati t’i plotësojnë të gjitha kërkesat si të Liverpoolit ashtu edhe të sulmuesit.

The Reds synojnë që të fitojnë rreth 70 milionë euro nga shitja e Nunez. /Telegrafi/