Çifti vdes brenda pak orëve, njëri pas tjetrit – bëhen të ditura detajet e tragjedisë në Australi

Mijëra dollarë janë mbledhur për të ndihmuar familjet e një çifti britanik që vdiqën brenda pak orëve, njëri pas tjetrit, në Australi.

Sipas mediave të huaja, përcjell Telegrafi, ish-sportisti Drayton Jason Francis, 29 vjeç, u godit nga një makinë pranë shtëpisë që ai ndau me partneren Alice Robinson në Scarborough, Perth.

Siç thuhet tutje, zonja Robinson, e cila u tha se kishte qenë “zemërthyer”, u gjet më vonë e vdekur.

Kështu, më shumë se 31,000 dollarë australianë janë dhuruar që nga pragu i Krishtlindjeve.

Zotëri Francis kishte qenë në një ditë me miqtë në një klub, para se të merrte një taksi për në shtëpi, të shtunën në mbrëmje.

Policia e Australisë Perëndimore tha se një VW Jetta e bardhë, drejtuar nga një 18-vjeçar, goditi një këmbësor mashkull.

Policia gjithashtu ka konfirmuar se po heton gjithashtu vdekjen e një gruaje dhe po përgatiste një raport për mjekët.

Ndërkohë mediat kanë raportuar se gruaja britanike “zemërthyer” thuhet se i ka dhënë fund jetës, pas vdekjes së të dashurit të saj. /Telegrafi/