Chelsea ka gati planin, Lampard një herë pjesë e stafit pastaj trajner i tyre

Chelsea po planifikon të bëjë legjendën Frank Lampard që në të ardhmen e afërt të jetë menaxher i tyre i skuadrës.

Legjenda Bluve bëri më shumë se 600 paraqitje për klubin londinez, ku ka fituar shumë trofe dhe ka shënuar shumë gola e asistime.

Lampard gjithashtu ka ndërmarrë kurset e tij të stërvitjeve gjatë 18 muajve të fundit në mënyrë që të arrijë licencën e A të UEFA-s.

Lexo po ashtu Viti që ‘vodhi’ shumë legjenda, futbollistët më të mëdhenj që u pensionuan në vitin 2017 (Foto)

Sipas The Sun, Chelsea do të vendosë Lampardin në stafin e menaxherit të ri i cili do të jetë zëvendësuesi i Antonio Contes.

Menaxheri pastaj do të jetë i ngarkuar me udhëzimin dhe trajnimin e Lampardit për t’u bërë menaxher i ardhshëm i Bluve.

Lampard ka refuzuar ofertat nga MK Dons dhe Oxford United në mënyrë që të vazhdojë të përfundojë licencat e tij të stërvitjes.

Lexo po ashtu Lampard pritet të emërohet drejtor sportiv te Chelsea, por ai i mohon lajmet e fundit

Por, një ofertë nga klubi që ai e do mund të jetë shumë e mirë dhe e vështirë për tu refuzuar për 39-vjeçarin.

Gjatë verës së këtij viti pritet të dihet përfundimisht nëse ish-ylli anglez do të bëhet pjesë e stafit të Bluve. /Telegrafi/