Bunjaku të takohet me Zhdrellën

Të shtunën në Skenderaj, kurse të dielën në Vushtrri. Kjo ishte agjenda e përzgjedhësi Albert Bunjaku në fundjavë. Ai në takimin Drenica – Drita (3:0), vëzhgoi mesfushorin e skuadrës gjilanase, Mentor Zhdrella. Pikërisht mosthirrja e Zhdrellës për miqësoren e 5 marsit me Haitin, shkaktoi lum kritikash nga mediat dhe analistët në drejtim të Bunjakut.

I pyetur për paraqitjen e katër herë futbollistit më të mirë në Kosovë, Bunjaku tha: “Mentor Zhdrellën e njoh edhe më herët. Atij i nevojitet një kohë më e gjatë për t’u kthyer në gjendje të mirë fizike. Shihet se është duke luajtur secilën herë më shumë”.

Ai gjatë ditës së sotme do të takohet me lojtarin. “Bashkë me Muharrem Sahitin do të takohemi sot me të dhe do të bisedojmë. Nuk do të thotë që si të bisedojë me të do ta ftojë për takimet e radhës, pasi e ndjej obligim të bisedojë me lojtarë. Më herët kam biseduar edhe me Kushtrim Mushicën e Liridon Lecin, prandaj nuk është diçka e veçantë”, sqaroi i pari i bankinës së Kosovës. /Arena/Telerafi/