Bizare! Shiten bluza me silueta të njerëzve që ranë nga aeroplanët amerikanë në Afganistan

Etsy, platforma e blerjeve me qendër në SHBA, ka ofruar bluza me fjalët “Kabul Skydiving Club”, që shfaqin momentin e rënies nga aeroplani transportues ushtarak C-17 i afganëve që përpiqen të largohen nga vendi pas pushtimit të Talebanëve në Afganistan.

Skenat e kaosit u panë të hënën e kaluar ndërsa mijëra njerëz që përpiqeshin të iknin nga Talebanët mbushën pistën e Aeroportit të Kabulit dhe u përpoqën të hipnin në aeroplanët ushtarakë që evakuuan qytetarët e vendeve perëndimore, përfshirë SHBA.

Lexo po ashtu Pamje të transmetuara nga disa media botërore: 'Pasagjerët' që bien në tokë, pas ngritjes së aeroplanit - derisa po përpiqeshin të iknin nga Afganistani

Në imazhe, u pa që dy persona ranë nga aeroplani ushtarak amerikan, dhe u njoftua se të paktën 7 persona vdiqën në ngjarje.

Nga ana tjetër, platforma tregtare me bazë në SHBA, Etsy ka ofruar bluza me silueta të njerëzve që bien nga një aeroplan transporti ushtarak C-17 dhe fjalët “Kabul Skydiving Club”.

Shitja e bluzës, e cila ka marrë një reagim në mediat sociale, po vazhdon ende në disa faqe.

Ndryshe “Skydiving” është sporti ose aktiviteti i kërcimit nga një aeroplan dhe kryerja e manovrave akrobatike në ajër gjatë rënies së lirë para se të hapni parashutën. /Telegrafi/