Berisha: Prizreni dhe Malisheva në rend me Kosovën fituese, 137 për t’i dhënë fund hajdutëve që qeverisin vendin

Kandidati për deputet nga Nisma, Zafir Berisha në disa tubime me qytetarë për zgjedhjet e 9 shkurtit, të mbajtura ditëve të fundit ka shprehur entuziazmin dhe përkrahjen që ka marr nga qytetarët e Prizrenit dhe Malishevës.

Berisha përmes një postimi në rrjetin social në Facebook ka shkruar se kryeministri i vendit, Albin Kurti ka ofenduar qytetin e Prizrenit si dhe nuk e ka mbështetur financiarisht këtë qytet.

“Lagjet Kurilla (7 Shtatori) 11 marsi dhe 2 korriku të Prizrenit, në rresht me Kosovën Fituese 137 për t’i dhënë fund hajdutëve që qeverisin vendin.

Mungesa e mbështetjes financiare për Prizrenin nga Albini për 5 vite, do të merrën përgjigjen e merituar me 9 shkurt, dhe në Kosova nuk do të ketë kryeministër që e ofendon qytetin tonë historik, të kulturës dhe bashkëjetesës mes nacionaliteteve të ndryshme”, ka shkruar Berisha.

Në një tjetër postim të Berishës shkruhet se: “Malisheva e çeliktë, sot tregoj fuqishëm se është e vendosur me i dhën fund sektit kriminal të Albin Kurtit me 9 shkurt, të cilët e kanë vjedhur bukën e qytetarëve dhe i kanë lënë ushtrinë pa të, e na kanë shtrenjtua energjinë elektrike duke bashkëpunua ma mafien serbe!

Malisheva është vërtet vendi i fitoreve të mëdha, dhe për këtë kanë mu bindë me 9 shkurt ‘pekmezat’ e Vlladimirit, dhe ata që me tërrnakop nuk mundesh me ja u gjetën ‘trutin’.

Devalvimi e vlerave të shtetit dhe institucioneve  që ka ndodhur viteve të fundit, duhet të ndalet sa nuk është tepër vonë”.

Mbështetje masovike, Berisha thotë se ka marr edhe në lagjet “Tusuz”, “Vëllezërit Stavileci” dhe “10 Qershori”, në Prizren.

“Mbështetje masovike për koalicionin fitues me nr 137,  në lagjet ‘Tusuz’, ‘Vëllezërit Stavileci’  dhe ’10 Qershori’ të Prizrenit!

Në javën e dytë të fushatës elektorale, po fuqizohet gjithnjë e më shumë mbështetja nga qytetarët e Prizreni për koalicionin e veprave të mëdha me nr 137.

Me kthimin tonë në Kuvendin e Kosovës do të insistojmë në zgjidhjen e problemit të ujit të pijes përmes ndërtimit të digës në fshatin Manstirec ku do të akumulohen ujit e Bjeshkëve të Sharrit, me ç’rast do të zgjidhet problemi i  ujit të pijes për 50 vitet e ardhshëm.

Prizreni ka një trashëgimi të pasur kulturore dhe historike, si një kandidat për deputet mund të premtojë mbështetje për zhvillimin e turizmit, krijimin e mundësive për punësim dhe promovimin e qytetit si destinacion turistik”. /Telegrafi/