Bebe Rexha thotë se ka qenë në lidhje me femra të famshme në të kaluarën

Bebe Rexha ka folur haptazi së fundmi në lidhje me seksualitetin e saj dhe disa marrëdhënie të mëparshme në të cilat ka qenë e përfshirë.

Këngëtarja 31 vjeçare zbuloi se beson se seksualiteti është ‘një shkallë’.

Ajo i tha Gay Times, “A kam dalë me vajza më parë? Po. A kam qenë në lidhje me vajza? Po. Dhe të famshme, por nuk po i përmend emrat e tyre. Edhe pse njerëzit do të jetonin për të – por jo”.

Rexha pranoi se ka qenë e dashuruar me një grua më parë, por ‘tani, unë jam në një lidhje me një djalë’.

“E vetmja gjë që unë do të them është se kur jam në një lidhje me një vajzë, është thjesht tepër emocionuese. Unë personalisht nuk mund të merrem me këtë”, shtoi ajo.

Lexo po ashtu Sot një artiste e famshme e tregut botëror, por dikur Bebe Rexha thotë se prindërit e saj nuk kishin mundësi t'i blinin një piano

Rexha aktualisht është në takim me producentin Keyan Safyari. Ata u panë së pari së bashku në fillim të vitit 2020.

Në mars 2019, biondja i tha revistës Nylon për problemet që ka me meshkujt.

“Unë mendoj se i tremb meshkujt. Ndihem sikur të gjithë kanë frikë nga unë, djem dhe vajza. Sepse më pëlqen të them gjëra, dhe ata janë të frikësuar unë do të them diçka për ta. Djemtë nuk mund të më mbajnë mua”.

Në maj të vitit 2019, Rexha deklaroi për Health se ka qenë më e rezervuar për jetën e saj personale.

“Unë përpiqem t’i mbaj gjërat sa më private. Por unë e konsideroj veten të rrjedhshme. Unë thjesht dua të gjej dikë që e dua dhe që më do – dhe nuk më intereson nëse është vajzë apo djalë”. /Telegrafi/