Bebe Rexha nxjerr në shitje koleksionin e të brendshmeve për femrat e të gjitha përmasave: Të gjitha e meritojnë të ndjehen provokuese

Bebe Rexha dhe kompania ‘Adore Me’ lëshuan në treg një koleksion të brendshmesh në fillim të kësaj vere.

Këngëtarja e nominuar për “Grammy” ka realizuar një set fotografik mjaft provokues, për të promovuar të brendshmet që përfshijnë bashkëpunimin e saj më të ri me brendin e njohur.

Para bashkimit me markën, shikimi i llojeve të ndryshme të trupit të përfaqësuar në faqen e internetit të ‘Adore Me’ ishte diçka që e bëri këngëtaren e “In The Name of Love” të dëshironte të punonte me ta në radhë të parë.

“Dëgjoni, unë jam pro dashurisë për trupin dhe për mënyrën se si njerëzit duhet ta duan trupin e tyre, unë jam vërtet e madhe në dëshirën për ta përhapur atë”, i thotë Rexha StyleCaster.

Lexo po ashtu Bebe Rexha intervistë ekskluzive për Telegrafin: Dua të vij në Kosovë, ka qenë një ëndërr e imja gjithmonë ta vizitoj atë vend

“Ka qenë një udhëtim për mua të mësoj se si ta dua veten dhe të pranoj veten dhe trupin në të cilin ndodhem. Unë me të vërtetë besoj se njerëzit e të gjitha formave dhe madhësive meritojnë të ndihen seksi”, thotë artistja shqiptare.

Kur bëhet fjalë për produktet e preferuara të Rexhës në koleksion, ajo nuk humbi kohë para se të zgjidhte disa nga ato më provokueset. Ajo thekson korsenë e quajtur ‘Axelle Contour’ si një nga produktet më të preferuara të saj nga koleksioni!

Një adhuruese e vetëshpallur e ‘rock’-ut, Bebe Rexha preferon të stilojë të brendshmet e saj me pjesë të ulëta si xhinse dhe xhaketë lëkure.

Për këngëtaren, të ndjehesh seksi ka të bëjë më pak me të treguarit trupin e saj dhe më shumë me atë se si ndihet në rrobat e saj. “Unë thjesht dua gjëra që më bëjnë të ndihem mirë”, thotë ajo. “Duhet të ndjehem mirë në të, e di?”, thekson 31-vjeçarja.

Rexha është e sinqertë për faktin se dashuria ndaj vetes është diçka që nuk i ka ardhur gjithmonë lehtë ta bëjë. “Unë mendoj se për një kohë vërtet të gjatë, isha vërtet e ashpër me veten time. Unë kurrë nuk kam menduar se isha mjaftueshëm e mirë”.

E gjithë kjo ndryshoi kur ajo mësoi të pranonte trupin e saj ashtu siç është. Kur bëhet fjalë për këshilla për të tjerët që janë në një udhëtim të ngjashëm drejt dashurisë totale për veten, Rexha thotë se këshilla e saj numër një është të ndalojë bisedën negative për veten para se të fillojë. “Ji i mirë me veten”, thotë ajo. “Thuaji gjëra të këndshme vetes”, sugjeron artistja shqiptare.

Por këngëtarja gjithashtu vëren se procesi unik i secilit vjen me uljet dhe ngritjet e veta, kështu që marrja me të qetë e gjërave dhe festimi i progresit atje ku e shihni se është thelbësore. Oh – dhe mos lejo askënd tjetër të gjykojë rrugëtimin tënd, megjithëse Rexha vëren se ajo ndonjëherë është kritikja më e ashpër e vetes.

“Më ndodh shpesh t’i them vetes: ‘Oh kam pak më shumë celulit në këmbë’ dhe pastaj jam si: ‘O Zot, unë i urrej këmbët tani’”, thotë ajo. “Atëherë unë jam si: ‘E dini çfarë? Unë e dua veten time me celulit. Nëse dua ta ndryshoj, do të bëj ndryshime ngadalë dhe do të bëj gjëra që të ndihem më mirë, por do ta bëj për vete’”.

Është koha që të gjithë të kanalizojmë pak nga vetëbesimi i Rexhës këtë verë dhe të ndihen rehat me trupin e tyre, ashtu siç ajo bën. /Telegrafi/