Bashkimi Evropian me internet falas

Bashkimi Evropian ka nisur zbatimin e një projekti prej 120 milionë eurosh për financimin e internetit pa pagesë përmes pajisjeve Wi-Fi Hotspot [pajisje pa tela], në të gjithë kontinentin në vende si biblioteka, muze dhe parqe.

“Qëllimi i këtij programi është ta bëjmë Evropën të dukshme dhe të dobishme për qytetarët tanë gjatë aktiviteteve të tyre të përditshme”, deklaroi Komisionerja e Ekonomisë Dixhitale të BE-së, Mariya Gabriel, shkruan Telegrafi.

Projekti është pjesë e përpjekjeve për të kapërcyer barrierat kombëtare për lidhjen brenda 28 vendeve anëtare të BE-së dhe vështirësitë në sigurimin e internetit me shpejtësi të lartë për zonat rurale.

Sipas skemës, komunat në të gjithë BE-në mund të aplikojnë për blerjen e pajisjeve Wi-Fi për vendet publike me vlerën e 15 mijë eurove .

Fillimisht, Komisioni do të paguajë vlerën e njëmijë dollarëve për instalimin e Wi-Fi, por qytetet e përzgjedhura për të marrë pjesë në skemë do të duhet të mbulojnë kostot e mirëmbajtjes. /Telegrafi/