Bankat në Angli, përgatiten për zhvendosje

Goldman Sachs, e cila punëson më shumë se 6 mijë individë në Angli, thotë se do të transferojë akoma më shumë operacione në Frankfurt dge Paris, si pjesë e planit të saj të zhvendosjes.

Goldman Sachs do të fillojë zhvendosjen e stafit nga Londra përpara se të përfundojë marrëveshja e daljes së Britanisë nga Be-ja, ka konfirmuar shefi i bankës Europiane.

Richard Gnodde, drejtori ekzekutiv i Goldman Sachs Internacional, tha se vendimi për të zhvendosur stafin e bankës është pjesë e planit të pasigurisë së bankës si shkak i shkëputjes së Anglisë nga BE-ja. Ne do të fillojmë me zbatimin e këtyre bankave,- ka thënë ai për CNBC.

Edhe banka të tjera kanë paralajmëruar se do të zhvendosin pozicione për shkak të Brexit. Stuart Gulliver , drejtuesi i HSBC, është shprehur se rreth 1000 pozicione pune do të transferohen drejt Parisit në më pak se dy vjet, kur Brexit të hyjë në fuqi. Banka zvicerane UBS se 1000 nga 5000 punonjësit e saj do të zhvendosen, në Frankfurt ose Madrid. Edhe JPMorgan ka deklaruar se 4000 vende pune janë tashmë në rrezik.

Përllogaritjet e ndikimit të Brexit në qytetin e Londrës ndryshojnë. Xavier Rolet, drejtor ekzekutiv i London Stock Exchange ka paralajmëruar se 230 mijë vende pune në sektorin e financës mund të zhduken. Mark Carney,guvernator i Bankës së Anglisë, e përshkroi qytetin si bankën investuese të Europës dhe shtoi se ekonomitë europiane rrezikohen nëse pengohet aksesi i tyre pasi Britania të lërë BE-në. /Telegrafi/