Babai përqafoi fëmijën para se ta braktisë, i ‘turpëruar që u bë prind për herë të katërt’ (Video)

Një baba e ka përqafuar fëmijën tre ditësh në kokë, para se ta braktisë në një kishë në Kerala të Indisë.

Pasi është identifikuar, 32-vjeçari ka thënë se e kreu këtë veprim, i turpëruar që është bërë prind për herë të katërt, transmeton Telegrafi.

Me të parë pamjet e kamerave të sigurisë, zyrtarët kishtarë i njoftuan autoritetet e sigurisë, të cilët nisën menjëherë hetimet. Ata e identifikuan burrin e njohur si Bitto, të cilin e arrestuan së bashku me bashkëshorten 28-vjeçare.

Videoja që mund ta shihni më poshtë, e tregon atë teksa e lë më kujdes fëmijën dhe largohet, por jo pa kthyer kokën edhe njëherë, për ta shikuar për herë të fundit.

Ai së bashku me gruan, kishin vendosur ta braktisnin fëmijën, sepse ishin të turpëruar dhe kishin frikë se do të tallen nga rrethi, sepse janë bërë prindër për herë të katërt.

Mbi ta rëndon akuza për braktisje të fëmijës nën moshën 12-vjeçare, si dhe veprime të vrazhda ndaj të porsalindurit. Në anën tjetër, fëmija është në spital dhe gëzon gjendje shumë të mirë shëndetësore. /Telegrafi/

https://youtu.be/NfIcWV5kJd4