Audi R8 V10 plus rrëmben “Timonin e Artë të Vitit 2015” (Foto)

Duke përcjellë triumfet më të fundit të brendit Audi në ndarjen e çmimit “Timoni i artë i Vitit 2015” (“Golden Steering Wheel 2015”), këtu para nesh kemi modelin fitues të këtij çmimi për kategori specifike, Audi R8 V10 Plus me ngjyrë ari.

Ky model aktualisht është duke u ekspozuar në Audi Forum Neckarsulm.

Çmimi “Timoni i Artë” i është prezantuar në mënyrë specifike Sedanit Audi R8 dhe Audi A4, transmeton Koha.net. Të dy këto modele u kurorëzuan si fituese në kategoritë përkatëse për veturën sportive dhe atë të sedanit të kategorisë së madhësisë së mesme.

Ndarjen e këtij çmimi e kanë organizuar revistat gjermane të njohura, “Auto Bild” dhe “Bild am Sonntag”, me trupin gjykues i cili është përbërë nga lexuesit, ekspertët e automobilave si dhe nga personalitete të famshme.

Audi R8 V10 plus me ngjyrë ari posedon motorin 5.2-litër V10 me kapacitet prej 610 kuajfuqi, gjë që është e mjaftueshme që shpejtësinë prej 0 deri në 100 kilometra në orë ta arrijë për 3,2 sekonda, ndërsa shpejtësinë maksimale e ka të kufizuar deri në 330 km/h.

Siç është qartë e dukshme, kjo veturë posedon eksterierin me ngjyrë ari, në kombinim me disa elemente të aerodinamikës me ngjyrë të zezë shkëlqyese (Gloss Black).

Po ashtu posedon edhe rrotat me diametër prej 20-inç me ngjyrë të zezë shkëlqyese në mënyrë që t’i përshtatet pamjes së eksterierit.