“Arsenali është ende klubi më i madh në Londër edhe pse Chelsea fitoi Ligën e Kampionëve për të dytën herë” – kështu thotë Jamie O’Harra

Jamie O’Hara ka pohuar se Arsenali është ende klubi më i madh në Londër për shkak të arritjeve të tyre historike, pavarësisht se Chelsea fitoi Ligën e Kampionëve për herë të dytë.

Fitorja e The Blues të shtunën në mbrëmje, duke mundur Manchester Cityn 1-0 falë golit të Kai Havertz, do të thotë se ata janë kurorëzuar kampionë të Evropës dy herë në nëntë vitet e fundit.

Blutë gjithashtu kanë fituar pesë tituj të Ligës Premier, pesë Kupa FA, tre Kupa të Ligës dhe dy Liga të Evropës që kur Roman Abramovich bleu klubin në vitin 2003.

Në të njëjtën kornizë kohore, Arsenali ka fituar një titull në kampionat në vitin 2004, ndërkohë që në edicionet e fundit ka dështuar të futet në top katër.

E gjithë kjo ka bërë që Trevor Sinclair të thotë se ekipi perëndimor i Londrës tani është më i madh se Topçinjtë.

“Unë mendoj se ata janë”, ka thënë ish-sulmuesi i Manchester City për talkSPORT. “Ajo që ata kanë arritur gjatë dhjetë viteve të fundit ka qenë e pabesueshme, unë mendoj se stadiumi ka nevojë për punë, por Cobham është i pabesueshëm si një zonë stërvitëse, skuadra dhe ato që kanë arritur gjatë dhjetë viteve të fundit”.

“Ju duhet t’i shikoni ata si klubin më të mirë në Londër. Ka shumë klube të mëdha në Londër, por unë ndiej që Chelsea po kryeson”.

Sidoqoftë ish-mesfushori i Spurs, O’Hara llogaritë se vitet e historisë ende nënkuptojnë që Arsenali të udhëheqë rrugën, “Unë nuk pajtohem, më fal Trev”, u përgjigj ai.

“Unë jam një tifoz i Spurs, por nuk mund të largohesh nga fakti që Arsenal është klubi më i madh në Londër”.

“Nëse po shikon në histori, sukses i vërtetë mbi një klub futbolli, fanbase dhe gjithçka që vjen me një klub futbolli, më vjen keq”.

“Chelsea është klubi më i suksesshëm në Londër tani, ne e dimë se, ata kanë një pronar miliarder dhe ata janë klubi më i suksesshëm”, ka shtuar më tej ai. /Telegrafi/