Arrestohen tre persona të dyshuar për vjedhje në shtëpinë e të moshuarës në Fushë Kosovë

Tre persona të dyshuar për vjedhje janë arrestuar në Fushë Kosovë.

Këtë e ka bërë të ditur policia, përmes një njoftimi.

Sipas PK-së, ata dyshohet se të premten me datë 29 janar rreth orës 02:30 pas mesnatës, kishin hyrë në shtëpinë e një gruaje të moshuar, duke e rrahur dhe i vjedhur asaj gjëra persona dhe dy telefona.

Me këtë rast policia ka kryer edhe bastisje ku janë gjetur rroba të ndryshme, maska, dy telefona celular edhe një sasi të substancave narkotike.

“Policia ne bashkëpunim me prokurorinë kompetente kanë iniciuar rastin si “ grabitje” dhe sot, me datë 31.01.2021, rreth orës 12;00. Njësia e hetimeve nga stacioni policor në Fushë Kosovë, pas një veprimtarie aktive hetimore lidhur me rastin e cekur më lart, kanë arritur të lokalizojnë një objekt (shtëpi) në Fushë Kosovë, ku dyshohej se tre personat e dyshuar të cilët dyshohej se kanë kryer veprën e cekur më lart janë strehuar në këtë shtëpi.

Në konsultim me autoritete e drejtësisë Policia kanë ndërmarr një operacion kontrolli dhe bastisje duke hyrë në shtëpinë e cekur dhe me këtë rast kanë gjetur brenda tre personat e dyshuar të cekur më lart, të cilët dyshohej se kishin kryer veprën penale “grabitje”.

Gjatë realizimit të bastisjes në këtë shtëpi janë gjetur dhe sekuestruar disa sende të dyshuara (rroba të ndryshme, maska, dy telefona celular dhe një sasi të substancave narkotike), thuhet në njoftim, njofton Telegrafi.