Arrestohen dy shtetas të Kosovës në Maqedoni, po transportonin lëndë narkotike

Policia e Maqedonisë ka arrestuar dy shtetas të Kosovës të cilët po transportonin lëndë narkotike drejt Turqisë.

“Departamenti për Asgjësimin e Krimit të Organizuar Veles dhe Prokuroria e Velesit ka ngritur padi penal kundër shtetasve A.I.(59) dhe Z.M. (52), për kryerjen e veprës penale ”prodhim i palejuar dhe shitje të drogave narkotike, substancave psikotrope dhe prekursorëve”.

Shtetasit A.I. dhe Z.M. janë shtetas nga Kosova dhe drogën do e transportonin drejt Turqisë. Më datën 04.11.2020 kanë udhëtuar në Kosovë për të marrë drogën, pastaj janë futur kthyer në Maqedoninë e Veriut, kurse automjetin me të cilin do transportonin drogën e kishin parkuar në një lokacion në Shkup. Ndërsa më datën 09.11.2020 Z.M. sipas instruksioneve të A.I. është nisur drejt Turqisë me sasinë e drogës, por gjatë udhëtimit në autostradën në aksin Shkup-Veles, shtetasi Z.M ka humbur kontrollin e automjetit dhe ka dalë nga rruga. Nga ana e nëpunësve policorë është realizuar kontrolli në automjetin transportues dhe në të janë gjetur gjithsej 36 kilogram drogë e tipit marihuanë”, thonë nga MPB.

Nga atje thonë se personat janë arrestuar dhe dërguar para gjykatësit në procedurë paraprake, dhe iu është shqiptuar masa e paraburgimit 30 ditë./Telegrafi/