Apple ndalon shitjen e iPhone 7 dhe 8 në Gjermani, pas humbjes së gjyqit ndaj Qualcomm

Apple ka tërhequr shitjet e iPhone 7 dhe 8 nga faqja e saj e internetit gjermane dhe dyqanet atje, pas një vendimi në Gjykatën e Qarkut në Mynih.

Vendimi tha se këto dy modele të iPhone po shkelin në pronësinë intelektuale të Qualcomm në lidhje me kursimet e energjisë në telefonat e mençur, njofton TechCrunch.

Ndërsa vendimi u bë muajin e kaluar, Qualcomm u kërkua nga gjykata të dërgojë 1,34 miliardë euro në bono sigurie përpara se të zbatohej, gjë që tani po ndodh. Një kontroll i shpejtë i faqes gjermane të Apple konfirmon ndryshimin: vetëm modelet më të reja iPhone XR, XS dhe XS Max janë listuar; iPhone 7 dhe 8 nuk mund të gjenden askund.

Apple ka thënë tashmë se ka në plan të apelojë vendimin, por ndërsa ky proces zhvillohet, nuk do të jetë në gjendje të shesë iPhone 7 ose 8 në kanalet e veta të shitjes me pakicë.

Ndalimi në Gjermani është shkallëzimi më i fundit i grindjeve të vazhdueshme mes Apple dhe Qualcomm, që filloi kur Apple së pari akuzoi Qualcomm për vendosjen e çmimeve të padrejta për procesorët modem të tyre në 2017.

Qualcomm u përgjigj me një sërë padish, anëembanë globit. Apple po përballet gjithashtu me një situatë të ngjashme në Kinë ku Qualcomm gjithashtu ka fituar një ndalim të shitjes për çështjet e shkeljes së patentave.

Në këtë rast, Apple nuk ka tërhequr produktet e tyre dhe pretendon se çështja ishte e pranishme vetëm në pajisjet më të vjetra. /Telegrafi/