Android 13 mund ta bëjë shumë më të lehtë përdorimin e dy numrave në një telefon

Android 13 vazhdon të përparojë drejt një lansimi të plotë për publikun në përgjithësi, me Google duke lëshuar gjithnjë e më shumë veçori të reja gjatë rrugës. Një veçori që mund të shfaqet do ta bëjë shumë më të lehtë përdorimin e dy numrave të telefonit në një pajisje.

Sipas disa gërmimeve në përditësimet më të fundit të kodit Android të bëra nga Esper, duket sikur Google është gati të prezantojë Profile të Mundësuar të Shumëfishtë (MEP) në softuer, një teknologji që kompania e patentoi në vitin 2020, transmeton Telegrafi.

E thënë thjesht, do të thotë se një eSIM mund të mbështesë dy numra dhe dy operatorë në të njëjtën kohë. Siç bëhet e ditur, eSIM-të aktuale mund të ruajnë profile të shumta, por vetëm një mund të jetë aktiv në çdo kohë – Android 13 mund të jetë në gjendje ta heqë atë kufizim kur të lansohet.

Nëse MEP shfaqet në Android 13, do ta bënte shumë më të lehtë për përdoruesit të ekzekutojnë dy numra në të njëjtën kohë në një telefon, pa pasur nevojë për karta SIM fizike. Mbështetja me dy karta SIM është diçka që shumë njerëz ende e kërkojnë – për shembull, për ta ndarë punën dhe jetën e tyre personale. /Telegrafi/