Ambasadori gjerman uron LVV-në: Qeveria të formohet shpejt e të zgjidhet presidenti – Kosova ka shumë prioritete urgjente

Pas certifikimit të rezultateve nga KQZ-ja, ka reaguar ambasadori i Gjermanisë në Kosovë, Jorn Rohde.

Përmes profilit të tij zyrtar në Twitter diplomati gjerman ka uruar Vetëvendosjen për atë që Rohde e ka cilësuar si fitore historike me më shumë se 50 % të votave.

“Mirë që u certifikuan rezultatet. Urime ekipit të Vetëvendosjes për fitoren historike me më shumë se 50 % të votave”, ka shkruar Rohde.

Lexo po ashtu Kurti pas certifikimit të rezultateve: Fitoi referendumi - shans i madh për Kosovën

Ai tutje shtoi se një rezultat i tillë i qartë duhet të dërgojë në formimin e shpejtë të qeverisë dhe zgjedhjet e presidentit, dhe veprime vendimtare për shumë çështje urgjente që Kosova ka përpara.

“Ky rezultat i qartë duhet të dërgojë në një formim të shpejt të Qeverisë dhe zgjedhje të një presidenti, dhe veprime po aq vendimtare për shumë prioritete urgjente të Kosovës”, deklaroi Rohde.

Good that election results are certified. Congrats to @LVetevendosje team for historic win of more than 50% of votes. This clear outcome should lead to swift formation of government and election of a president and equally decisive action on the many urgent priorities of Kosovo

— Ambassador Jörn Rohde (@GermanAmbKOS) March 13, 2021