Paqja e mrekullueshme e Vendenisit: Fotografitë që ju fusin në meditim (Foto)
Është inxhinier i makinerisë, punon që nga lufta e fundit në Kosovë për televizionin publik gjerman, ARD. Është artist i fotografisë, por për vlerat e veprat e tij fatkeqësisht më shumë mësojmë nga mediat e huaja.
Eseisti irlandez, Jonathan Swift, ka thënë se “vizioni është arti për të parë atë që është e padukshme tek të tjerët”. Besnik Hamiti nuk e imponon veten; ai është artist i “padukshëm” i fotografisë, sidomos tek masat në Kosovë. Sepse, për të fotografia është dashuri, e nga dashuria nuk kërkon shpërblime, as famë. Madje, kur fotografitë e tij shpallen më të mirat e javës, të muajit… ato janë të publikuara jo me emrin e tij, por si Vendenis. Bukurinë e padukshmen ai e shpërfaq tek të tjerët, vetëm përmes fotografisë.
Dikujt kjo modesti i duket e çuditshme, sidomos në këtë realitet konfuz të Kosovës, të një kanibalizmi “artistik” për të imponuar emrin me çdo kusht e çdo çmim. Por, jo edhe për ata që kanë fatin ta njohin Besnikun, modestinë dhe erudicionin e tij.
Megjithatë, ai merr “shpërblime”, sepse vlerësimet pozitive për veprat e tij nuk janë të pakta, qoftë nga artistët e fotografisë në botë, e edhe ata në Kosovë që përfaqësojnë si duhet traditën tonë të gjatë në këtë art. E, këto “shpërblime” atij i vijnë në forma të ndryshme, shkruan Telegrafi.
Kështu, kohë më parë, në ballinën e revistës së njohur britanike për fotografi, “Digital Photo”, gjendet fotografia e Besnik Hamitit. Ky lajm në nëntor të vitit të kaluar përshkoi mediat e Kosovës. Fotografitë e tij kandidohen nga të tjerët për çmime, që një kohë të gjatë. Tash vonë, tek ueb-faqja “Shkolla e Fotografisë Digjitale”, fotografia e tij përfshihet në koleksionin e “fotografive të shtigjeve dhe rrugëve që ju udhëheqin”. Ndërsa, një faqe ruse publikon një koleksion mahnitës të fotografive të tij, me titullin: “’Мир прекрасен’ от Vendenis” (“Paqja e mrekullueshme” e Vendenisit).
“Qëllimi i artit është të pastrosh pluhurin e jetës së përditshme nga shpirtrat tanë”, ka thënë Pablo Picasso. Dhe, ky titull i kësaj faqeje shumë të njohur ruse, liveinternet.ru (që sipas alexa.com është e 17-ta në Rusi dhe e 397-ta në botë), shpërfaq më së miri këtë botëkuptim. Sepse, Besniku di ta lexojë të bukurën dhe ta përcjellë atë tek të tjerët.
Bukuria, qetësia, prehja dhe paqja karakterizojnë fotografitë e tij. Ai pasqyron imazhin më të bukur të Kosovës, që do të duhej të na bënte të ndihemi të bekuar për tokën ku jetojmë, e që ta duam e ta shprehim këtë bukuri edhe me veprat tona të përditshme.
Fotografitë e tij të fusin në meditim, e shpesh të lënë pa fjalë. Por, të bëjnë të reflektosh, e ky është një nga misionet e shumta të artit. Ndaj, pa shtuar më shumë fjalë, Telegrafi do t’ju sjellë më poshtë një koleksion të vogël të punimeve të tij, që të njiheni ju vetë me këtë formë meditimi e reflektimi.
Por, për të njohur më mirë punën e “Vendenisit” (për kureshtje të lexuesve, Vendenis është emërtimi i lokalitetit antik në Gllamnik të Podujevës, ku është gjetur mozaiku i Orfeut e Euridikës), mund të shkoni tek profili zyrtar në 500px.com, duke klikuar KËTU, apo tek “Muri” në profilin e tij në Facebook, duke klikuar KËTU.
Shijojeni edhe ju, së paku për pak çaste, mrekullinë e paqes… /Telegrafi/
LEXO PO ASHTU:
Kopertina e “Digital photo”, me fotografinë e Besnik Hamitit
IQ – Në fokusin e kamerës së Lumit
Promo
Reklamo këtuLufta Prigozhin - Putin
Më shumëShqiptarët dhe forca shkatërrimtare ndaj objekteve të trashëgimisë!
Si arriti ta sundojë botën, njeriu modern?
“Gjeneral Gramafoni” dhe skenari që u ndërtua mbi një tregim të vjedhur!?
Përdorimi i fjalëve të huaja dhe disa huazime të sotme në gjuhën shqipe
NËNA DHE DJALI
Thënie të Platonit: Në prekjen e dashurisë gjithkush bëhet poet
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Mozzik dhe Lotina Haziri në një lidhje dashurie?
Si e ndryshoi historinë amerikane ylli i filmave për të rritur?
Aksion i policisë në Leposaviq, konfiskohen dhjetëra uniforma të policisë serbe
Dënime drakonike për duhanxhinjtë: 20 mijë euro gjoba për bizneset, 200 euro për personat që pinë duhan në ambiente të mbyllura
Donald Trump filloi të thotë gënjeshtra - shumë televizione amerikane ndërprenë transmetimin e konferencës
Sir Alex Ferguson nuk i foli asnjëherë lojtarit që ishte blerja e tij e fundit tek Man United