Stadiumi i pazakontë dhe i ndërtuar me pak para është zgjedhur si më i miri i vitit – lë prapa Satiango Bernabeun

Rimodelimi i “Santiago Bernabeu” ka qenë një moment historik për Real Madridin. Me çatinë lëvizëse dhe panelet e bardha, stadiumi është shndërruar në një xhevahir arkitektonik, unik jo vetëm në Spanjë, por në pjesën më të madhe të botës.  

Punimet filluan në 2019 dhe, megjithëse disa përfundime janë ende në proces, stadiumi u inaugurua plotësisht vitin e kaluar. 

Kjo e bëri atë një nga kandidatët kryesorë për çmimin e StadiumDB.com për stadiumin më të mirë të vitit 2024.  

Lexo po ashtu Të gjitha lajmet nga Stadiumet

Ky konkurs përfshinte stadiume me kapacitet minimal 15,000 vende, të hapura ose rindërtuara deri në vitin 2024.  

Në votim morën pjesë rreth 10,000 persona, duke zgjedhur nga 23 stadiume, duke përfshirë edhe stadiume legjendare si Monumental i River Plate. 

Fituesi i papritur: AdHoc Arena në Jena, Gjermani 

Pavarësisht konkurrencës së ashpër, çmimi iu dorëzua AdHoc Arena në Jena, Gjermani, stadiumi i FC Carl Zeiss Jena, ekip që aktualisht luan në ligën e katërt gjermane.  

Ky stadium, i njohur më parë si Ernst Abbe Sportfield, u rimodelua plotësisht me një investim prej 58 milionë eurosh. 

Kapaciteti i tij u rrit në 15,000 vende, dhe u hoq pista e atletikës që kishte më parë.  

Santiago Bernabéu, vetëm vendin e dytë 

Santiago Bernabéu arriti në vendin e dytë me 15,081 pikë, shumë afër fituesit. Pjesa tjetër e pesëshes më të mirë përfshinë: Stadiumi Hocine Aït Ahmed (13,604 pikë), Ali la Pointe (10,348 pikë) dhe Monumental (7,966 pikë). 

Kriteret e votimit 

Votimi u zhvillua nga 3 shkurt deri në 3 mars 2024. Pjesëmarrësit mund të zgjidhnin 5 stadiumet e tyre të preferuara, duke u dhënë secilit 5, 4, 3, 2 ose 1 pikë.  

Stadiumet duhej të kishin një kapacitet minimal prej 15,000 vende dhe të ishin hapur ose rindërtuar deri në vitin 2024. 

Ndërsa Santiago Bernabéu mbetet një nga stadiumet më ikonike në botë, fituesi i papritur AdHoc Arena në Jena kujton se ndonjëherë projekte më të vogla, por të përpikëta, mund të fitojnë çmimet që meritojnë. /Telegrafi/