Bllokohen 8 nga 12 tualetet, piloti i aeroplanit me 300 pasagjerë në bord kthehet në gjysmë të rrugës – udhëtonte nga Çikago në Delhi

Piloti i një aeroplani që udhëtonte nga Çikago në Delhi që zgjatë 13 orë, është detyruar të kthehej nga ishte nisur pas pesë orësh kur 8 nga 12 tualetet në bord u bllokuan.

Rreth 300 pasagjerë në bordin e Air India u përballën me një udhëtim makthi, kur aeroplani i tyre duhej të kthehej në Çikago në gjysmë të rrugës së fluturimit – të gjitha për shkak të katastrofës së tualetit, transmeton Telegrafi.

Fluturimi AI126 u ngrit nga aeroporti ndërkombëtar i Çikagos, O’Hare në orën 10:59 më 5 mars, me destinacion aeroportin ndërkombëtar Indira Gandhi në Delhi.

Por pas pesë orësh rraskapitës, Boeing 777-300ER u detyrua të kthente kursin dhe të fluturonte përsëri në Çikago për pesë orë të tjera, falë një defekti të tualetit të aeroplanit

Qindra pasagjerë mbetën të bllokuar pa qasje në një tualet për orë të tëra. Dhe shkaku i fiaskos 10-orëshe të hidraulikës duket se ka qenë rroba dhe një plastikë e mbushur në tualete, duke bllokuar tubacionin e mbeturinave.

Bllokimi shkaktoi kaos në bordin e fluturimit dhe detyroi një devijim, të cilin një person e përshkroi si rezultat në ‘ferrin e shërbimit të klientit’.

Pas uljes në Çikago, udhëtarët e lodhur u zbarkuan normalisht dhe u pajisën me akomodim në hotel, sipas Air India.

“Po bëhen rregullime alternative për të fluturuar pasagjerët në destinacionin e tyre”, tha linja ajrore, duke shtuar se pasagjerëve u ofrohen rimbursime të plota ose riplanifikim falas”.

Një klient tha se kishin rezervuar një biletë të klasit të parë për kushëririn e tyre për të fluturuar për një martesë në Indi, duke përdorur LifeMiles të udhëtimit të tyre me aeroplanin Avianca.

“Tani jemi në mes të ferrit të shërbimit ndaj klientit me Avianca, Lifemiles dhe Air India, për të kuptuar se si të marrim një rimbursim për biletën”, tha klienti i frustruar. /Telegrafi/