Laerti lë shtëpinë për të interpretuar një poezi prekëse për nënën, ajo e befason në studio

Spektakli i mbrëmshëm i Big Brother VIP Albania solli një nga momentet më prekëse të edicionit deri më tani.

Laerti, një nga banorët e shtëpisë më të famshme në Shqipëri, u ftua të linte për pak çaste ambientin ku ai po jeton prej disa javësh dhe të shkonte në studio për të interpretuar një poezi kushtuar nënës.

Ky moment ishte i mbushur me emocione të forta, si për vetë Laertin ashtu edhe për publikun që e ndoqi me vëmendje.

Pasi recitoi me pasion dhe ndjenjë vargjet që kishte zgjedhur, duke shprehur dashurinë dhe mirënjohjen për nënën e tij, Laerti nuk e priste që një surprizë e madhe do ta priste pas performancës.

Në atë çast, në skenë hyri nëna e tij, e cila kishte ardhur për ta mbështetur dhe për t’i dhënë forcë për vazhdimin e këtij rrugëtimi të rëndësishëm.

Me lot në sy dhe një përqafim të ngrohtë, e ëma e Laertit e siguroi atë se ishte krenare për çdo gjë që ai kishte treguar deri tani në garën e Big Brother VIPAlbania.

Ajo e inkurajoi që të vazhdojë të qëndrojë i fortë dhe të ndjekë rrugëtimin e tij me të njëjtën përkushtim dhe sinqeritet.

Ky moment i veçantë preku jo vetëm Laertin, por edhe të gjithë të pranishmit në studio dhe shikuesit para ekranit, duke treguar edhe një herë se Big Brother VIP nuk është vetëm një garë strategjish dhe lojërash, por edhe një eksperiencë që nxjerr në pah ndjenjat më të thella njerëzore. /Telegrafi/