“Nuk është fundi i botës nëse SHBA largohet nga NATO”, deklaron ish-Sekretari britanik i Mbrojtjes

Ish-sekretari i mbrojtjes i Mbretërisë së Bashkuar ka sugjeruar se largimi i SHBA-së nga NATO nuk do të ishte “fundi i botës” dhe i kërkoi Evropës të rrisë mbështetjen për Ukrainën.

“Unë mendoj se ne jemi tashmë dëshmitarë të një epoke të re, një epokë ku nuk mund të marrim si të mirëqena garancitë e sigurisë së SHBA-së”, tha Ben Wallace.

“Tani, më vjen shumë keq për këtë dhe ata kanë qenë gur themeli i NATO-s dhe sigurisë evropiane”, shtoi ai, shkruan skynews.

Wallace vazhdoi: “Nëse ata do të tërhiqeshin nga NATO, padyshim që ne do të ishim në një botë shumë të ndryshme.”

Por, sipas tij ky nuk është fundi i botës.

“Nuk është fundi i botës nëse SHBA tërhiqet nga NATO”, tha Wallace.

“Sigurisht, është e tmerrshme. Por ne kemi vullnetin në Evropë dhe paratë për të rregulluar sigurinë dhe mbrojtjen tonë”, përfundoi ai.

Ndryshe, sipas britanikut, Ukraina ende mund ta mposht Rusinë – por vetëm “nëse të gjithë rritemi dhe zëvendësojmë atë që amerikanët kanë hequr ose tregojmë vendosmërinë e duhur evropiane, përfshirë Mbretërinë e Bashkuar, se ne nuk do të shkojmë askund”. /Telegrafi/