Sërish kaos në Kuvendin e Serbisë, deputetët hedhin vezë mbi Bërnabiqin dhe ministrat – aktivizojnë aparatin për fikjen e zjarrit

Një tjetër kaos ka ndodhur në vazhdimin e seancës së sotme të Kuvendit të Serbisë.

Një pjesë e deputetëve ndezën sërish bomba tymuese. Me atë rast kryetarja e Kuvendit, Ana Brnabiq dhe ministrat në Qeverinë e Serbisë janë goditur me vezë, shishe me ujë, vezë dhe lëngje të ndryshme.

Deputeti i Frontit të Gjelbër të Majtë, Radomir Lazoviq, ka aktivizuar zjarrfikësin në Kuvend, transmeton Telegrafi.

Kaos i ri ka ndodhur teksa flitej për ndryshimet në ligjin për arsimin e lartë, që duhet t’u mundësojë studentëve një arsim më të lirë.

Bërnabiq në disa raste i ka thënë opozitës se duke bërë kaos nuk po lejojnë plotësimin e kërkesave të studentëve: “Lërini studentët të shohin se çfarë po bëni, më vjen shumë mirë”.

Pavarësisht nga kaosi i përgjithshëm, ajo tha se nuk dëshiron ta ndërpresë seancën.

“Ne nuk do të tërhiqemi para terroristëve. Ne do të vazhdojmë të luftojmë. Le të shohë Serbia çfarë mund të bëni dhe çfarë dëshironi. Hajna, Albin Kurti nuk mund të jetë më krenar. Ne vazhdojmë të punojmë”, tha Brnabiq në momentet e kaosit.

Seanca nuk u ndërpre dhe deputetët e partive në pushtet vazhduan të flasin, ndonëse pretenduan se opozitarët u hidhnin ujë gjatë fjalimeve të tyre.

Srpska skupština upravo: jaja, bengalke, vatrogasni aparati… Oporba traži da se prihvati ostavka Vlade i nastoji spriječiti većinu da raspravlja o drugim točkama. Brnabić: Nećete nas spriječiti da otvorimo afričko tržište za srpske poljoprivrednike, bando teroristička! pic.twitter.com/gAi2GLTIGC

— Domagoj Novokmet (@DomagojNovokmet) March 4, 2025