Tifozët e fyenin në kor, Neymar i hesht ata me një gol spektakolar nga rivënia e këndit

Sulmuesi legjendar brazilian, Neymar, më në fund po i rikthehet formës së vjetër, këtë e dëshmon edhe ndeshja e xhiros së 12-të të kampionatit brazilian ndaj Inter de Limeira, ku shënoi një gol dhe bëri  dy asistime.

Në minutën e nëntë të ndeshjes Neymar asistoi Tiquinho Soares për të kaluar Santos në epërsi dhe momenti më i mirë i ndeshjes erdhi në minutën e 27-të.

Tifozët e skuadrës vendase kënduan në mënyrë nënçmuese emrin e tij gjatë goditjes nga këndi dhe ai u kërkoi ta bënin edhe më fort, gjë që ata e bënë.

Neymar mori hakmarrjen e tij me një gol fenomenal nga rivënia këndore dhe pastaj festa ishte spektakolare.

Ky nuk ishte fundi i paraqitjes së tij fenomenale, pasi në minutën e 32-të të ndeshjes ai asistoi sërish Tiquinho Soares, i cili vendosi rezultatin përfundimtar të ndeshjes.

Ajo që është interesante është se Neymar ka luajtur tashmë më shumë minuta në gjashtë ndeshje për Santos këtë sezon sesa ai në dy vjet në Al Hilal.

Në gjashtë ndeshje për Santos, ai ka kaluar 432 minuta deri më tani në fushë, ndërsa në dy vite në klubin e Arabisë Saudite ka luajtur gjithsej 428 minuta. /Telegrafi/