Palestinezi që ka qëndruar më së gjati në burg, izraelitët pritet ta lirojnë

Izraeli dhe Hamasi po vazhdojnë të respektojnë marrëveshjen e arritur muaj më parë për shkëmbimin e të burgosurve dhe pengjeve.

Ndër 620 palestinezët që do të lirohen, njëri prej tyre ka kaluar më së gjati në burgjet izraelite se çdokush tjetër.

Lexo po ashtu Lirohen gjashtë pengje izraelite në këmbim të 602 të burgosurve palestinezë

Nael Barghouti, 67 vjeç, ka kaluar 44 vjet në burgjet izraelite – duke u burgosur në vitin 1978, kur ishte në fillimet e të 20-ave, për vrasjen e një shoferi autobusi izraelit. Në momentin e arrestimit, ai ishte pjesë e krahut të armatosur të Fatahut, por më vonë u bashkua me Hamasin.

Ai u lirua 34 vjet më vonë – në vitin 2011 – si pjesë e një shkëmbimi që çoi në lirimin e pengut izraelit Gilad Shalit. Por, vetëm tre vjet më vonë ai u burgos përsëri dhe që atëherë ishte prapa grilave, shkruan skynews.

Izraeli ka një rregull që thotë se çdo palestinez që është dënuar për vrasjen e izraelitëve duhet të dëbohet përherë nëse lirohet si pjesë e marrëveshjeve për armëpushim – prandaj nuk mund të kthehet në shtëpi në Bregun Perëndimor.

Duke folur për reuters këtë vit, gruaja e tij, Eman Nafe, e cila ka kaluar gjithashtu 10 vjet në një burg izraelit me akuzat për planifikimin e një sulmi vetëvrasës, tha se kishte dyshime që burri i saj do ta pranojë atë fat. “Jam e sigurt se ai do ta refuzojë këtë”, tha ajo.

Barghouti, i cili ka të njëjtin mbiemër me të afërmin e largët – liderin politik të burgosur, Marwan Barghouti, do të dalë nga burgu për të gjetur se vëllai, nipi dhe anëtarë të tjerë të familjes së tij kanë vdekur. /Telegrafi/