Neurologu ndan disa mënyra për të ulur rrezikun nga demenca

Një neurolog ka zbuluar gjashtë strategji “pak të njohura” që të gjithë mund të përdorim për të ulur rrezikun e demencës.

Sipas ekspertit, respektimi i këtyre metodave mund të ndihmojë në mbrojtjen e konsiderueshme të trurit tuaj ndërsa plakeni.

Për shembull vetëm në Mbretërinë e Bashkuar demenca aktualisht prek rreth 900 mijë njerëz.

Sindroma është më e zakonshme tek njerëzit mbi 65 vjeç, megjithatë mosha nuk është faktori i vetëm i rrezikut për zhvillimin e tij.

Hulumtimet në fakt kanë treguar se 40 për qind e rasteve të demencës mund të parandalohen duke bërë disa ndryshime në stilin e jetës tuaj.

Një neurolog me bazë në SHBA, Baibing Chen, i cili njihet më së shumti në internet si Dr Bing, tha disa këshilla se si mund të mbroheni nga demenca.

“Demenca nuk është vetëm diçka që vjen me moshën, ka mënyra reale për të reduktuar rrezikun dhe për ta mbajtur trurin tuaj të shëndetshëm për vitet në vijim. Ju ndoshta keni dëgjuar për ushtrimet e rregullta dhe të hani një dietë të shëndetshme për të parandaluar demencën. Por këtu janë disa strategji më pak të njohura për të mbrojtur trurin tuaj”, thekson eksperti mjekësor.

Kontrolloni dëgjimin tuaj

Sipas Dr Bing, humbja e dëgjimit është një nga faktorët e rrezikut “më të neglizhuar” për demencën. “Edhe humbja e lehtë e dëgjimit mund të rrisë ndjeshëm rrezikun tuaj”, tha ai.

“Nëse keni probleme me dëgjimin, mos prisni, kontrollojeni dhe merrni parasysh aparatet e dëgjimit nëse është e nevojshme. Bëhet fjalë për më shumë sesa thjesht të dëgjuarit, ka të bëjë me mbajtjen e trurit tuaj të angazhuar dhe aktiv”.

Bëni gjumë cilësor

Dr Bing rekomandoi të bëni shtatë deri në nëntë orë gjumë cilësor çdo natë. Ai vazhdoi: “Gjumi është kur truri juaj pastron toksinat dhe riparohet. Gjumi i dobët mund të rrisë rrezikun e demencës. Nëse keni apnea të gjumit, sigurohuni që të trajtohet”.

Qëndroni social

Jeta e juaj sociale mund të ndikojë në rrezikun e demencës. “Izolimi është një faktor rreziku për demencën dhe të qëndruarit afër me miqtë, familjen dhe komunitetin tuaj, pavarësisht nëse është një telefonatë javore, ky angazhim social e mban trurin tuaj të mprehtë”, pohoi neurologu.

Mësoni aftësi të reja dhe sfidoni mendjen tuaj

Dr Bing tha se kjo është “thelbësore” për shëndetin e trurit.

Ai tha: “Qoftë mësimi i një gjuhe të re, apo një instrumenti, mbajtja e mendjes aktive krijon lidhje të reja truri, sa më shumë ta sfidoni trurin tuaj, aq më mirë mund të shmangni rënien njohëse”.

Mbroni kokën tuaj

Kjo mund të duket “e qartë”, por lëndimet në kokë mund të “rrisin ndjeshëm” rrezikun e demencës. “Pavarësisht nëse jeni me biçikletë, apo duke skijuar  apo duke luajtur sport, vishni helmeta për të mbrojtur trurin tuaj nga traumat,” tha ai. “Edhe lëndimet e vogla të kokës mund të kenë efekte afatgjata”.