LAJMI I FUNDIT:

Ushtria izraelite thotë se ka vrarë një udhëheqës të Hamasit në Libanin jugor

Ushtria izraelite thotë se ka vrarë një udhëheqës të Hamasit në Libanin jugor

Ushtria izraelite ka thënë se ka vrarë të hënën një udhëheqës të Hamasit në zonën e Sidonit të Libanit jugor.

Sipas mediave të huaja, përcjell Telegrafi, ushtria tha se Mohammad Shaheen ishte kreu i departamentit të operacioneve të Hamasit në Liban dhe se ai kohët e fundit ishte përfshirë në promovimin e “komploteve terroriste” kundër qytetarëve izraelitë.

Një sulm izraelit në një makinë në qytetin port jugor të Sidonit të Libanit kishte në shënjestër një zyrtar të grupit militant palestinez, thanë më herët Reuters dy burime libaneze të sigurisë.


Agjencia shtetërore e lajmeve në Liban theksoi se ekipet e shpëtimit kishin nxjerrë një trup nga makina, por pa identifikuar viktimën.

Ushtria izraelite ka kryer sulme kundër anëtarëve të Hamasit, grupit aleat të armatosur libanez Hezbollah dhe fraksioneve të tjera në Liban, paralelisht me luftën në Gaza.

Këto grupe të armatosura kanë lëshuar raketa, dronë dhe sulme artilerie përtej kufirit në veri të Izraelit.

Sipas një armëpushimi të ndërmjetësuar nga Uashingtoni në nëntor, trupave izraelite iu dhanë 60 ditë për t’u tërhequr nga Libani jugor, ku kishin kryer një ofensivë tokësore kundër luftëtarëve të Hezbollahut të mbështetur nga Irani – që nga fillimi i tetorit.

Ky afat u zgjat më vonë deri më 18 shkurt, por ushtria izraelite kërkoi që ajo të mbante trupa në pesë pika në Libanin jugor, thanë burimet për Reuters javën e kaluar. /Telegrafi/

Në trend Botë

Më shumë
Bora mbulon Stambollin - anulohen fluturimet,

Bora mbulon Stambollin - anulohen fluturimet, "e hëna dita më e ftohtë e vitit"

Turqia
Një i vdekur dhe disa të plagosur pas një sulmi me thikë në Mulhouse

Një i vdekur dhe disa të plagosur pas një sulmi me thikë në Mulhouse

Evropa
Vota në Kombet e Bashkuara: A do të kalojë rezoluta amerikane apo evropiane për Ukrainën?

Vota në Kombet e Bashkuara: A do të kalojë rezoluta amerikane apo evropiane për Ukrainën?

Evropa
SHBA kërcënon Ukrainën me ndërperjen e internetit satelitor Starlink nëse nuk e nënshkruan marrëveshjen për mineralet e rralla

SHBA kërcënon Ukrainën me ndërperjen e internetit satelitor Starlink nëse nuk e nënshkruan marrëveshjen për mineralet e rralla

Botë
Zelenskyt iu referua si diktator, por çfarë tha Trumpi kur u pyet nëse mendonte se edhe Putini ishte i tillë?

Zelenskyt iu referua si diktator, por çfarë tha Trumpi kur u pyet nëse mendonte se edhe Putini ishte i tillë?

Botë
Mes kërcënimeve nga Rusia dhe një tërheqje të mundshme të SHBA-së, NATO zhvillon stërvitjen më të madhe luftarake për 2025

Mes kërcënimeve nga Rusia dhe një tërheqje të mundshme të SHBA-së, NATO zhvillon stërvitjen më të madhe luftarake për 2025

Botë
Kalo në kategori